Ադրբեջանի պաշտպանության նախարարության պատվիրակությունը՝ պաշտպանության նախարար, գեներալ-գնդապետ Զաքիր Հասանովի գլխավորությամբ, մարտի 25-ին աշխատանքային այցով կմեկնի Ամերիկայի Միացյալ Նահանգներ, հաղորդում է Ադրբեջանի ՊՆ մամուլի ծառայությունը:
Այցի ընթացքում Ադրբեջանի պաշտպանության նախարարը կմասնակցի Նյու Յորքում կայանալիք ՄԱԿ-ի խաղաղության ապահովման վերաբերյալ նախարարական համաժողովին:
Հասանովը նաեւ հանդիպումներ կանցկացնի ՄԱԿ-ի գլխավոր քարտուղարի խաղաղապահ գործողությունների հարցերով տեղակալի՝ խաղաղապահ գործողությունների դեպարտամենտի ղեկավար պարոն Ժան Պիեր Լակրուայի եւ նիստին մասնակցող այլ երկրներից գործընկերների հետ:
Հանդիպումների ընթացքում կքննարկվեն տարածաշրջանային անվտանգության, ղարաբաղյան հակամարտության վերաբերյալ հարցերը, ինչպես նաեւ ՄԱԿ-ի խաղաղապահ գործողություններում երկրի մասնակցության հեռանկարները:
