News
Լրահոս
News
Երկուշաբթի
Օգոստոս 19
USD
475.92
EUR
527.46
RUB
7.22
ME-USD
0.15
Տեսնել լրահոսը

ՀՀ քննչական կոմիտեի նախագահ Հայկ Գրիգորյանի հանձնարարությամբ՝ հրավիրվել է ընդլայնված նիստ, որի ժամանակ ամփոփվել են Երեւան քաղաքի քննչական վարչության եւ ԵՔՔՎ հինգ քննչական բաժինների կողմից 2018 թվականին կատարված աշխատանքները:

Երեւան քաղաքի քննչական վարչության պետը եւ ԵՔՔՎ հինգ  քննչական  բաժինների պետերը հանդես են եկել նախորդ տարվա ընթացքում կատարված աշխատանքների վերաբերյալ զեկույցներով:

ՀՀ քննչական կոմիտեի նախագահ Հայկ Գրիգորյանը քննարկել է հարուցված քրեական գործերի ընթացքը, դրանք առավել արդյունավետ կազմակերպելու, ինչպես նաեւ քննիչների կողմից դեպքի վայրի զննության ընթացքում թույլ տրված վրիպումները շտկելու վերաբերյալ տվել  հանձնարարականներ:

«Մեր խնդիրը թվային ցուցանիշները չեն, այլ աշխատանքների գրագետ եւ արդյունավետ կազմակերպումը:  Մեզ արհեստական ցուցանիշներ հարկավոր չեն: Մեր կարգախոսը պետք է լինի  օպերատիվությունն ու որակը»,- ընդգծեց ՔԿ նախագահը:

Հայկ Գրիգորյանը հանդիպման ընթացքում եւս մեկ անգամ շեշտեց քաղաքացիների հետ շփման կարեւորությունը. «Քաղաքացիների  հետ շփումներում դրսեւորեք սրտացավ եւ  կոռեկտ վարքագիծ»,- ասաց ՔԿ նախագահը:

Անդրադառնալով ատեստավորման գործընթացին՝ Հայկ Գրիգորյանն ասաց, որ այն գիտելիքների կատարելագործմանն ուղղված քայլ է. «Անցնելու եք շատ խիստ ատեստավորում եւ այն անձինք, ում գիտելիքները պատշաճ մակարդակի չեն լինի, կուղարկվեն լրացուցիչ վերապատրաստման: Ատեստավորման գործընթացն անձից ազատվելու միջոց չէ, այլ գիտելիքների կատարելագործման ուղղությամբ տարվող աշխատանք: Քննիչի  տեսական գիտելիքների կատարելագործումը մեզ համար առաջնային խնդիր է»,- շեշտեց Քննչական կոմիտեի նախագահը:

Հայկ Գրիգորյանն ընդգծեց, որ ստորաբաժանման ղեկավարները պատասխանատվություն են կրում նախաքննության կազմակերպման արդյունավետության համար.«Ղեկավարը քննիչ պետք է լինի, ոչ թե տնօրեն: Ստորաբաժանման ղեկավարը պարտավոր է քայլեր ձեռնարկել, օգնել գերծանրաբեռնված քննիչներին՝ անձամբ վարույթում  քրեական գործեր ընդունելով եւ քննություն իրականացնելով: Ղեկավարը պետք է անձամբ գործ քննի՝  իրականությունից չկտրվելու եւ քննիչի դրության մեջ մտնելու համար: Եթե քննչական ստորաբաժանման ղեկավարը չի կատարում քննիչ գործառույթներ, դառնում է տնօրեն, ինչն անթույլատրելի է: Ձեր վարքով եւ աշխատանքով  հեղինակություն դարձեք Ձեր ենթակաների համար»,- ընդգծեց ՔԿ նախագահը:

Հայկ Գրիգորյանը Երեւան քաղաքի քննչական  վարչության եւ  հինգ քննչական բաժինների աշխատանքը գնահատեց գերազանց եւ վարչության պետին հանձնարարեց ծառայության ընթացքում առավել լավ ցուցանիշներ արձանագրած աշխատակիցներին ներկայացնել խրախուսման:

Դիմելով քննիչներին՝ Հայկ Գրիգորյանը շնորհակալություն հայտնեց իրենց առջեւ դրված խնդիրները պատվով հաղթահարելու համար. «Շարունակեք աշխատել նույն ջանասիրությամբ եւ պատասխանատվությամբ: Աշխատանքների կատարելագործմանն ուղղված քայլերը պետք է կրեն ամենօրյա բնույթ»,- ընդգծեց ՔԿ նախագահը:

Տպել
Կարդացեք նաև
Ամբողջը
Նովոսիբիրսկի մարզում ՃՏՊ հետեւանքով ՀՀ քաղաքացի է մահացել
Ոստիկանները փաստի առթիվ նախաքննական ստուգում են սկսել, պարզվում են ճանապարհային վթարի հանգամանքներն ու պատճառները:...
Հատվել է 1462 հատ տարբեր տեսակի ծառ. մեղադրանք է առաջադրվել 16 անձի, այդ թվում տնօրեններ, անտառապետեր
Քրեական գործի նախաքննության ընթացքում որպես մեղադրյալ է ներգրավվել 16 անձ, այդ թվում՝ «Ստեփանավանի անտառտնտեսության» մասնաճյուղի 2 տնօրեն, 3 նախկին անտառապետ, 3 անտառապահ...
Ողջաբերդի խոշոր հրդեհը առավոտյան հաջողվել է մարել. Դեպքի վայրում աշխատել է 7 մարտական հաշվարկ եւ 110 բնակիչ
Պարզվել է, որ այրվել է մոտ 40 հա խոտածածկույթ: Սահմանվել է հերթապահություն…
Ասկերանի 17-ամյա բնակիչն անհետ կորել է
Ստուգմամբ զբաղվում է ԱՀ ոստիկանության Ասկերանի շրջանային բաժինը…
Ողբերգական դեպք Արմավիրում. 23-ամյա տղան տան տանիքը վերանորոգելիս՝ հոսանքահարվել ու տեղում մահացել է
Փաստի առթիվ ոստիկանության Վաղարշապատի բաժնի հետաքննչական բաժանմունքում նյութեր են նախապատրաստվում…
Մուսալեռ գյուղում բախվել են ГАЗель-ն ու Opel-ը. վերջինս շրջվել է. կան վիրավորներ (ֆոտո)
Արմավիրի մարզում օգոստոսի 18-ին, խոշոր ավտովթար է տեղի ունեցել…
Ֆոտոռեպորտաժներ