News
Լրահոս
News
Շաբաթ
Օգոստոս 24
USD
475.99
EUR
526.4
RUB
7.25
ME-USD
0.13
Տեսնել լրահոսը

Հայաստանի մոնիթորինգի հարցով Եվրոպայի խորհրդի խորհրդարանական վեհաժողովի համազեկուցողներ Յուլյա Լավոչկինան եւ Անդրեյ Շիրցելը մարտի 12-14-ը Երեւան այցի արդյունքներով հանդես են եկել հայտարարությամբ։ «Հայաստանի իշխանությունները հիանալի գիտակցում են փոփոխությունների հանդեպ բնակչության արտակարգ բարձր ակնկալիքները։ Այդ պատճառով կարեւոր է, որպեսզի ներկայում անցկացվող բարեփոխումները հանգեցնեն որոշակի եւ շոշափելի արդյունքների»,- ասվում է համազեկուցողների հայտարարության մեջ։ Նրանք ողջունել են Հայաստանի Ազգային ժողովին ինստիտուցիոնալ համակարգում կենտրոնական դեր հատկացնելու խորհրդարանականների հակվածությունը եւ իրավասությունների բաշխումը կատարելագործելու գործադիր իշխանության անդամների ցանկությունը։ ««Իշխանության ուղղահայցության» ավանդույթը Հայաստանում հնացել է եւ ուժերի հավասարակշռություն հաստատելու ցանկացած պատրաստակամություն միայն պետք է ողջունել»,- նշել են համազեկուցողները՝ ընդգծելով, որ դա կարող է օգնել Հայաստանում իրական ժողովրդավարականմշակույթի արմատականացմանը։

Հայաստանում հանդիպումների ընթացքում համազեկուցողները տեղեկացվել են, որ որոշ ոլորտներում, ինչպիսին են սեռային հավասարությունը եւ կոռուպցիայի դեմ պայքարը, տեղի են ունեցել ակնհայտ փոփոխություններ, եւ որ առկա են կոռուպցիայի դեմ պայքարի առաջին շոշափելի արդյունքները։ «Մենք ողջունում ենք պատրաստվող խոշոր բարեփոխումները, որոնք վերաբերում են դատական իշխանության անկախությանը, նոր քրեական քաղաքականության ընդունմանը եւ հատուկ կոռուպցիայի եւ խտրականության դեմ պայքարի համար նախատեսված ինստիտուտների ստեղծմանը, եւ նույնքան ողջունում ենք այդ ուղղությամբ քաղաքականությունը զարգացնելու հայտարարված մտադրությունը»,- ասվում է հայտարարության մեջ։ Համազեկուցողները ուշադիր կհետեւեն այդ բարեփոխումների իրականացմանը։ Նրանք Հայաստանի իշխանություններին կոչ են արել օգտվել ներկայի շատ բարձր հասարակական աջակցությունից, որպեսզի ակտիվացնեն սոցիալական բարեփոխումների, այդ թվում՝ բոլոր հայերի համար սոցիալական ծառայությունների, ինչպես նաեւ հայկական հասարակության մեջ նուրբ հարցերի՝ ընտանեկան բռնության դեմ պայքարի, կանանց եւ տղամարդկանց միջեւ անհավասարության կամ ԼԳՏԲ-ի հետ կապված բարեփոխումների իրենց ջանքերը։

Նրանք նաեւ կոչ են արել բոլոր զրուցակիցներին ապահովել Հայաստանի կողմից Ստամբուլի եւ Լանսարոտի բանաձեւերի վավերացումը, որը նա ստորագրել է։ Անցյալ տարվա մայիսին նախկին այցից հետո զեկուցողները բարձր են գնահատել հասունությունը, որով հայկական քաղաքական ուժերը եւ հայ ժողովուրդը ղեկավարեցին խաղաղ հեղափոխությունը եւ հետագա քաղաքական անցումը։ «Անցումն արդեն ավարտված է 2018թ․ դեկտեմբերի ընտրություններով, որը բոլոր միջազգային դիտորդները եւ Հայաստանի քաղաքական գործիչների ճնշող մեծամասնությունը, որոնց հետ մենք հանդիպել ենք, համարել են ազատ եւ արդար»,- նշել են նրանք։ Լավոչկինան եւ Շիրցելը վերջում ասել են, թե երկիրը խորը փոփոխություններ է ապրում։ «Եվրոպայի խորհուրդը եւ Խորհրդարանական վեհաժողովը հայ ժողովրդի եւ նրա ներկայացուցիչների տրամադրության տակ են, որպեսզի ապահովեն այդ փոփոխությունների հաջող նախապատրաստումը եւ իրականացումը»,- հայտարարել են նրանք։

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կարծիքների արտահայտման ազատությունն Ադրբեջանում նախկինի պես սպառնալիքի տակ է. ԵԽ հանձնակատար
Ադրբեջանում կարծիքի արտահայտման ազատությունը սպառնալիքի տակ է...
Վստահ եմ՝ Արարատ Միրզոյանի բարոյականությունը կհերիքի՝ հերքել իր թիմակիցների ասածները. Աշոտյան
Արարատ Միրզոյանն ականատեսն է եղել ԵԱՀԿ-ում նախորդ խորհրդարանական պատվիրակության կատարած աշխատանքների...
Արցախում բարձր ենք գնահատում Եվրախորհրդարանի անդամների հետ մեր կապերը. Աշոտ Ղուլյանը շնորհավորել է նորընտիր նախագահին
Արցախի Հանրապետության Ազգային ժողովի եւ իմ անունից շնորհավորում եմ Ձեզ՝ Եվրոպական խորհրդարանի նախագահ ընտրվելու առթիվ...
ԵԽԽՎ պատվիրակները ՀՀ իշխանությանը կոչ են արել ապահովել ԼԳԲՏԻ հանրույթի անվտանգությունը
Պետք է խտրականությունից զերծ պահել ԼԳԲՏԻ հանրույթին...
Ուկրաինան մերժեց ԵԽԽՎ դիտորդներին. դեռ չգիտես՝ արդյո՞ք ճիշտ ափին ես. Նաիրա Զոհրաբյան
Դժվար է կանխատեսել ԵԽԽՎ-ում հետագա զարգացումները, սակայն, իմ վստահ համոզմամբ, կամուրջներ այրելը հարցի լավագույն լուծումը չի, հատկապես, որ դեռ չգիտես՝ արդյո՞ք ճիշտ ափին ես...
Եվրախորհրդարանի նոր նախագահ ընտրվեց իտալացի Դավիթ-Մարիա Սասոլին
Եվրախորհրդարանը նոր նախագահ ունի...
Ամենաշատ
Ֆոտոռեպորտաժներ