Սան Դիեգոյի բնակչուհին նախկին ամուսնուց 50 տարի հետո ալիմենտ պոկեց։ Տղամարդը կնոջը փոքրիկ դստեր հետ լքել էր 50 տարի առաջ։ Այն ժամանակ աղջիկը երեք տարեկան էր, տեղեկացնում է USA.one-ը։
Թոնի Անդերսոնի խոսքով՝ 1970-ականների սկզբին նրա նախկին ամուսինը մեկնել էր Կանադա եւ երեխայի նպաստ չէր վճարում։ «Ես անընդհատ հետաձգում էի այդ գործը, քիչ ժամանակ ունեի, պետք էր փող վաստակել, իսկ հետո պարզապես մոռացա»,- ասել է Անդերսոնը, որը երկար տարիներ դիզայներ է աշխատել Լոս Անջելեսում, մի ընկերությունում, որը հիմա կառավարում է դուստրը։
«Ես չեմ ժխտում, որ միջոցներ ունեինք։ Աղջիկս կարող էր սովորել Փարիզի քոլեջում, մենք ճամփորդում էինք։ Բայց փողերը վերջանում են»,- նշել է տարեց կինը։ Նրա խոսքով՝ նա վարձակալության է տալիս իր տան մի մասը։ Բայց հիմա, երբ թոշակի է անցել, փողը չի բավականացնում։ «Եվ այդ ժամանակ գլխի ընկա։ Գիշերվա կեսին գաղափար հղացա՝ բայց չէ՞ որ ալիմենտի ոչ մի սահմանափակում չկա»։
Անդերսոնը նայել է հին դատական փաստաթղթերը եւ անցած ամիս նախկին ամուսնուն տեղեկացրել, որը հիմա ապրում է Օրեգոնում, որ ցանկանում է, որպեսզի նա ալիմենտ վճարի։ Բայց գումարը, որը կինը պահանջել է հիմա, շատ ավելի բարձր էր այն գումարից, որն ամուսինը պետք է վճարեր գրեթե կես դար առաջ։
Թոնիի փաստաբանի՝ Սառա Յունուսի խոսքով, անցած շաբաթ Սան Դիեգոյի Վիստա օկրուգի դատարանը կնոջը վճարման գումար է հաստատել 150 հազար դոլար։ Թոնի Անդերսոնը նշել է. նա ցանկանում է մյուս միայնակ ծնողներին պատմել, որ դեռ կարող են ստանալ իրենց փողերը։
