Ferrari ընկերությունը ներկայացրել է P80/C անվանումով եզակի մրցուղային սուպերքար, որը թողարկվել է մեկ օրինակով: Կուպեի կառուցման աշխատանքը մեկնարկել էր դեռեւս 2015 թվականին, ինչն այն դարձնում է իտալական մակնիշի պատմության մեջ ամենաերկար մշակված էքսկլյուզիվ ավտոմեքենան, փոխանցում է Autonews-ը: 

Նորույթը կունենա յուրահատուկ թափք՝ տարրերով, որը հղում է կատարում Ferrari-ի դասական մրցարշավային մեքենաներին, ներառյալ 1960-ական թվականների 330 P3/P4 եւ Dino 206 S մոդելները: Ավտոմեքենայի հողմապակու ձեւը մրցարշավային սաղավարտի ոճով է, ունի ծավալուն հետին հակաանիվ, ինչպես նաեւ ցածր առջեւի դիֆուզոր եւ դռների հետեւում մեծ օդահավաքիչներ: Շարժիչային հատվածի ծածկոցը պատրաստված է չներկված ալյումինից, որը հակադրվում է թափքի կարմիր գույնին:

Ferrari P80/C-ը կառուցվել է 488 GT3 մրցարշավային կուպեի հիմքով, անվային բազայի չափը կազմում է 1969 մմ՝ ստանդարտ ավտոմեքենայից 50 մմ-ով կարճ: