Լոս Անջելես-Մոսկվա չվերթի մաքսային հսկողության ընթացքում «Շերեմետեւոյի» մաքսային ծառայության աշխատակիցները կանգնեցրել 1975 թ. ծնված Հայաստանի քաղաքացուն: Տղամարդը անցել է «կանաչ միջանցքով»՝ այդպիսով հայտարարելով մաքսային հայտարարագրման ենթակա ապրանքների բացակայության մասին, հաղորդում է ՌԴ մաքսային ծառայությունը:
Ուղեւորի ձեռքի ուղեբեռի մաքսային ստուգման արդյունքում հայտնաբերվել է երկու ROLEX ժամացույց եւ ոսկյա մատանի: Այնուհետ, ճամպրուկում հայտնաբերվել է «ROLEX» մակագրությամբ ժամացույցի տուփ, ինչպես նաեւ փաստաթղթեր:
Ռուսաստանի Դաշնային մաքսային ծառայության Կենտրոնական փորձաքրեագիտական մաքսային վարչության փորձագետի եզրակացության համաձայն՝ ժամացույցները եւ մատանին պատրաստված են 750 հարգի ոսկուց:
Մաքսային մարմնի տրամադրության տակ գտնվող տեղեկատվության հիման վրա առգրավված ապրանքների մաքսային արժեքը կազմել է 4,959,180 ռուբլի:
Ուղեւորների գործողություններում, Եվրասիական տնտեսական միության մաքսային սահմանով կարեւոր ռազմավարական նշանակություն ունեցող ապրանքների անօրինական տեղափոխման փաստով հանցագործության նշաններ են դիտվում, որոնց համար պատասխանատվություն է նախատեսում ՌԴ ՔՕ 226.1 հոդվածը: