Թոշակի նվազագույն շեմը 25500 դրամ սահմանելն անհրաժեշտ, բայց անբավարար պայման է, քանի որ աղքատության սահմանագծին գտնվող մարդկանց վիճակը ՀՆԱ աճով չի բարելավվում: Մարտի 26-ին ԱԺ նիստում «Պետական թոշակների մասին» օրենքում փոփոխություններ եւ լրացումներ կատարելու մասին օրինագծի քննարկման ժամանակ ասաց իշխող «Իմ քայլը» դաշինքի պատգամավոր Արտակ Մանուկյանը:
Նրա խոսքով՝ եթե հաշվի առնենք ինֆլյացիայի մակարդակը, ապա 2019 թվականի հունվարի 1-ի դրությամբ՝ ծայրահեղ աղքատության շեմն արդեն հասել է մոտ 25 հազար 300 դրամի: «Իսկ 2020 թվականի սկզբին այն կհասնի արդեն 26 հազար 300 դրամի: Ստացվում է, որ նման ջանքերն անբավարար են, եւ թոշակների բարձրացումն անհրաժեշտ է կապել ինֆլյացիայի աճի հետ, որպեսզի այսօր այդ թոշակն ստացող մարդը վաղը նորից չհայտնվի ծայրահեղ աղքատության շեմին»,- մերկապարանոց նշեց պատգամավորը:
Հիշեցնենք, որ կենսաթոշակ են ստանում այն մարդիկ, որոնց 65 տարեկանը լրացել է, բայց որոնք նվազագույն աշխատանքային ստաժ չունեն, ինչպես նաեւ առաջին կարգի հաշմանդամները, որոնք նվազագույն աշխատանքային ստաժ չունեն: Աշխատող բնակչության աշխատանքային թոշակները չեն բարձրացվի:
