Մոսկվայի Բասմանյան դատարանը 3 ամսով երկարացրել է Անգելինա եւ Քրիսթինե Խաչատուրյանների որոշակի գործողությունների արգելման խափանման միջոցը, նրանք երեք քույրերից միջնեկն ու ավագն են, որոնք մեղադրվում են հարազատ հոր սպանության մեջ: Այս մասին երեքշաբթի ՏԱՍՍ-ին հայտնել են դատարանի մամուլի ծառայությունից:
«Մոսկվայի Բասմանյան դատարանի որոշմամբ Խաչատուրյան երկու քույրերի որոշակի գործողությունների արգելման խափանման միջոցը 3 ամսով երկարացվել է, այսինքն՝ մինչեւ հունիսի 28-ը»,- ասել է դատարանի ներկայացուցիչը: Ավելի վաղ դատարանը երկարացրել էր քույրերից կրտսերի խափանման միջոցը:
Սեպտեմբերի 27-ին Մոսկվայի Բասմանյան դատարանը փոխել էր նրանց կալանքի խափանման միջոցը որոշակի գործողությունների արգելմամբ, եւ նրանք դատարանի դահլիճում ազատ էին արձակվել:
Ինչպես ավելի վաղ հայտնել էր Քննչական կոմիտեն հուլիսի 27-ի երեկոյան Մոսկվայի Ալտուֆեւսկի խճուղում հայտանբերվել է 57-ամյա տղամարդու դի բազմաթիվ կտրած–ծակած վերքերով։ Ըստ քննության տվյալների՝ նրան սպանել են երեք դուստրերը անձնական հակակրանքի հողի վրա։ Աղջիկները հարցաքննության ժամանակ խոստովանել են մեղքը եւ պարզաբանել, որ հայրը երկար ժամանակ «բարոյական տառապանքներ» է պատճառել։ Օգոստոսի 2-ին Մոսկվայի Օստանկինսկի դատարանը նրանց կալանավորել էր: