Չինաստանում կիբեռտարածքի վարչության նախկին ղեկավար Լու Վեյը դատապարտվել է 14 տարվա ազատազրկման 5 մլն դոլար կաշառք ստանալու մեադրանքով, տեղեկացնում է Reuters-ը։
Լու Վեյը նաեւ հեռացվել է Չինաստանի Կոմունիտտական կուսակցությունից։
59-ամյա Լուն իրեն մեղավոր է ճանաչել այն բանից հետո, երբ դատախազները նրան մեղադրել են 15 տարիների ընթացքում տարբեր պաշտոններում իշխանությունը չարաշահելու մեջ, այդ թվում եւ որպես Չինաստանի կիբեռտարածքի վարչության պետ։ 2002-2017 թվականներին նա ավելի քան 32 միլիոն յուանի (4,77 մլն դոլար) ակտիվներ է ստացել։ Հայտարարությունում նշվում է, որ Լու Վեյը զղջացել է եւ վերադարձրել գումարի ու ունեցվածքի մեծ մասը։
