Ադրբեջանի Գերագույն դատարանը մասամբ բավարարել է «ՌԵԱԼ» կուսակցության առաջնորդ Իլղար Մամեդովի վճռաբեկ բողոքը։

Ինչպես տեղեկացնում է Turan-ը, դատարանը մասնավորապես մեղմել է զանգվածային անկարգությունների հրահրման մասին հոդվածով նախատեսվող պատիժը եւ կրճատել պատժի ընդհանուր ժամկետը 5 տարի 6 ամիս 9 օրվա։ Հանրագումարելով բոլոր հոդվածներով նախատեսվող պատիժների ժամկետը՝ դատարանը կրճատել է՝ դրանք հասցնելով մինչեւ այս պահն արդեն կրած ժամանակին։ Այսպիսով, դատարանն ազատ է արձակել Մամեդովին  հետագա պայմանական պատժից՝ 2 տարի փորձնաժամկետով, որը նշանակվել էր Շեքիի վճռաբեկ դատարանի կողմից անցած տարվա օգոստոսին։ Գերագույն դատարանը նաեւ չեղարկել է չբացակայելու պարտավորությունը։

Իլղար Մամեդովը ձերբակալվել էր 2013 թվականի փետրվարին Իսմայիլլիի անկարգությունների հետ կապված եւ դատապարտվել 7 տարվա ազատազրկման։ 2018 թվականի օգոստոսին Շեքիի վճռաբեկ դատարանը ազատել էր նրան՝ մնացած ժամկետը փոխարինելով 2-ամյա պայմանական փորձնաժամկետով։