2014-ի Ղրիմի հանրաքվեն ցույց տվեց, որ պատմությունը կերտում է ժողովուրդը։ Այս մասին «Ազգերի ինքնորոշման իրավունքը արդի միջազգային պրակտիկայում. հնարավորություններ եւ մարտահրավերներ» միջազգային գիտագործնական կոնֆերանսի (որը տեղի է ունենում մարտի 29-ին Երեւանում) մասնակիցներին հղած ուղերձում ասել է Ղրիմի Հանրապետության ղեկավար Սերգեյ Աքսյոնովը։
Սերգեյ Աքսյոնովի ուղերձում, մասնավորապես, ասվում է. «2014 թվականի գարնան իրադարձություններից, մասնավորապես՝ Ռուսաստանի հետ Ղրիմի վերամիավորումից կարեւոր է մի քանի դասեր քաղել։ Առաջինը, որ կցանկանայի ընդգծել, այն է, որ քաղաքականությունը կարող է իսկապես հաջող լինել, եթե որոշումներն ընդունվում են բարոյականության հիման վրա։ Այն օրերին դրա դրսեւորումն էր Ռուսաստանի նախագահ Վլադիմիր Պուտինի որոշումը Ղրիմը եւ Սեւաստոպոլը Ռուսաստանի կազմում ընդունելու մասին, որը կարող էր եւ, ինչպես պարզվեց, առաջ բերեց արեւմտյան երկրների ագրեսիվ արձագանքը։ Բացի այդ, 2014-ի գարնան իրադարձությունները հայրենասիրության թեստ էին շատերի համար։ Ղրիմի օրինակը, եւ հակառակը՝ Ուկրաինայի եւ հետխորհրդային երկու երկրների իրադարձությունները, որտեղ իշխանության են եկել հակառուսական ուժերը, ցույց տվեցին, որ Ռուսաստանի հետ սերտ համագործակցությունը հարեւան պետությունների զարգացման կարեւոր գործոններից մեկն է»։
Նշենք, որ Երեւանում մարտի 29-ին տեղի են ունենում միջոցառումներ Ռուսաստանին Ղրիմի վերամիավորման 5-ամյակի կապակցությամբ։