Թուրքիայի նախագահ Ռեջեփ Թայիփ Էրդողանի համար մարտի 31-ի համայնքային ընտրությունները ոչ թե ուղղակլի քվեարկություն է այն մասին, թե ով պետք է աղբահավաքությամբ եւ ճանապարհների վերանորոգմամբ զբաղվի, այլ Թուրքիայի ապագա ազգային կենսունակության հարց է, հայտնում է AP-ն: 17 տարի իշխանության լինելուց հետո թուրք առաջնորդն իշխանությունն ամուր է պահում, բայց համառորեն արշավ է անցկացնում ուժեղ մանդատ ստանալու, որը, նրա խոսքով, անհրաժեշտ է Թուրքիան ներքին ու արտաքին թշնամիներից պաշտպանելու եւ Թուրքիայում, ինչպես նաեւ Սիրիայում ու Իրաքում քուրդ գրոհայինների դեմ ռազմական գործողությունները շարունակելու համար:
Վերլուծաբանները նշում են, որ հռետորաբանությունն ուղղված է ուշադրությունը շեղելուն ինֆլյացիայի աճից, սննդամթերքի գների կտրուկ աճից եւ գործազրկության բարձր մակարդակից, որը հատկապես ուժգին հարված է հասցրել նրա՝ եկամտի ցածր մակարդակ ունեցող ավանդական ընտրազանգվածին:
