Կալիֆոռնիայում խաղերի 26-ամյա սիրահար Թայլեր Բարիսը 20 տարվա ազատազրկման է դատապարտվել ոստիկանություն ողջ ԱՄՆ-ի տարածքով ավելի քան հիսուն կեղծ ահազանգերի համար, որոնցից մեկի հետեւանքով մարդ է մահացել՝ հայտնում է New York Daily News-ը։
2017թ․ դեկտեմբերին Բարիսը որոշել է վրեժ լուծել առցանց խաղում իր մրցակցից, եւ ծանոթ աղջկանից իմացել է Ուիչիտո քաղաքում նրա հասցեն ու այնտեղ ոստիկանություն կանչել՝ հայտնելով հրաձգության եւ մարդու առեւանգման մասին։ Սակայն այդ տանն ապրել է բոլորովին այլ մարդ՝ 28-ամյա Էնդրյու Ֆինչը։ «Դեպքի վայր» եկած ոստիկանը կրակել է Ֆինչի վրա, երբ նա ձեռքը տարել է դեպի գոտին։
Ֆինչի ընտանիքը դատի է տվել Ուիչիտոյի իշխանություններին։ Դատախազությունը հրաժարվել է մեղադրանք ներկայացնել սպային։