Թուրքիայի իշխող «Արդարություն եւ զարգացում» կուսակցության Ստամբուլի քաղաքապետի թեկնածու Բինալի Յըլդըրըմը խոստովանել է, որ ընդդիմադիր թեկնածուի ձայները իրենից ավելի շատ են։
Թուրքական Sozcu-ի փոխանցմամբ՝ Բինալի Յըլդըրըմը հայտարարել է, թե չնայած ընդդիմադիր «Ժողովրդահանրապետական» կուսակցության թեկնածու Էքրեմ Իմամօղլուի ձայները ավելի շատ են երեւում, սակայն դեռ կան չհաշված քփեատուփեր։
«ԿԸՀ-ն ում որ կտա քաղաքապետի մանդատը, թող նա էլ կլինի քաղաքապետը, բայց դեռ շուտ է, քանի որ չհաշված քփեատուփեր կան եւ սխալ քվեարկություններ, որոնք կարող են փոխել ընտրության արդյունքները, քանի որ այս պահին հակառակորդ թեկնածուն առաջ է 25000 ձայնով»,-ասել է Բինալի Յըլդըրըմը։
Նշենք, որ Թուրքիայում մարտի 31-ին անցկացված ՏԻՄ ընտրություններում Էրդողանի գլխավորած «Արդարություն եւ զարգացում» կուսակցությունը հաղթել է՝ հավաքելով 44 տոկոս, սակայն կորցրել է նախկինում ունեցած քաղաքները, այդ թվում մայրաքաղաք Անկարան։
