Անցյալ ամիս Նորվեգիայում էլեկտրամոբիլների վաճառքի ոլորտում պատմական ռեկորդ է գրանցվել։ Դրանցից գնվել է անհամեմատ ավելի շատ, քան բենզինով եւ դիզելային ավտոմեքենաները՝ հայտնում է Press Association-ը։

Ինչպես թերթին տեղեկացրել է Էլեկտրամոբիլների նորվեգական ասոցիացիայի գլխավոր քարտուղար Քրիստինա Բուն, մարտին երկրում վաճառված բոլոր տեսակի տրանսպորտային միջոցների 58,4 տոկոսը էլեկտրամոբիլներ են։

Նրա խոսքերով, Նորվեգիայում ընթացիկ տարվա սկզբում այդ ցուցանիշը կազմել է 48,4 տոկոս, իսկ տարվա կտրվածքով ակնկալվում է, որ այդ թիվը 50-ի կհասնի։

Հիշեցնենք՝ նորվեգական խորհրդարանը քվեարկել էր այն բանի օգտին, որ մինչեւ 2025թ․ երկիրն ամբողջովին անցնի էլեկտրամոբիլների։