Եթե հետախուզությունն ունեցել է որոշակի տվյալներ ադրբեջանական կողմի հարձակման մասին, ապա պետք է լինի հարուցված քրեական գործ, պետք է լինեն քննության տակ եղած մարդիկ: Այս մասին այսօր՝ ապրիլի 2-ին, «Եռաբլուր» պանթեոնում հայտարարեց «Լուսավոր Հայաստան» կուսակցության նախագահ Էդմոն Մարուքյանը:
«Եթե նման հայտարարություն է արվում, դա պետք է ունենա հետեւանք, բայց հետեւանք չունի, ինչպես ես տեսնում եմ: Եթե եղել են տվյալներ, որ պետք է մեզ վրա հարձակվեն եւ համապատասխան մարմինների ղեկավարները խնդիր չեն դրել, որ մեզ վրա հարձակվելու են, պատրաստ եղեք, եւ դա անակնկալ է եղել, ինչպես ներկայացվում է, հետեւաբար, պետք է այդ մարդիկ պատասխանատվության ենթարկվեն»,-ասաց նա: