ՀՀ երրորդ նախագահ, ՀՀԿ առաջնորդ Սերժ Սարգսյանն այսօր՝ ապրիլի 2-ին, «Եռաբլուր» պանթեոնում, ինչպես նախորդ անգամ, չպատասխանեց լրագրողների հարցերին:
Նրան ուղղվեցին տասնյակ հարցեր, սակայն նա լուռ այցելում էր ապրիլյան զոհերի շիրիմներին եւ ծաղիկներ դնում:
Միայն երբ լրագրողներից մեկն ասաց, որ տեսակետներ են հնչում, որ ապրիլյան պատերազմը պայմանավորված է եղել, Սերժ Սարգսյանն արձագանքեց. «Ես հիվանդ մարդկանց հետ գործ չունեմ»:
Հարցին, թե երբ է վերջապես խոսելու, նա արձագանքեց. «Երբ ժամանակը գա»:
Մեքենան նստելիս ՀՀ երրորդ նախագահը դիմելով բոլոր հավաքվածներին ասաց ցտեսություն ու հեռացավ:
