Հայաստանի արդարադատության նախարար Արտակ Զեյնալյանը ՄԻԵԴ-ին դիմումները թշնամական ակտ չի համարում։ Այս մասին նա ասել է լրագրողների հետ զրույցում՝ պատասխանելով Հայաստանի երկրորդ նախագահ Ռոբերտ Քոչարյանի փաստաբանների՝ ՄԻԵԴ-ին հերթական դիմումների մասին հարցին։
Հիշեցնենք, որ վերջին դիմումի համար առիթ են հանդիսացել այն խախտումները, որոնք կապված են դատարանի կողմից նախկին նախագահի ձերբակալության բողոքները դիտարկելու ժամկետի հետ։
«ՄԻԵԴ-ին դիմումները չենք համարում թշնամական ակտ։ Այդ դիմումները գործնական եւ գիտական նշանակություն ունեն»,- նշել է նախարարը՝ հրաժարվելով հայտնել սեփական կարծիքն իրավիճակի մասին։