Աերոտիեզերական Boeing ընկերությունը 2019 թ․ ապրիլից օգոստոս է տեղափոխել Boeing CST տիեզերանավի առաջին անօդաչու թռիչքը՝ հայտնում է HighTech-ը։

Առաջին անօդաչու փորձարկումների շրջանակում Starliner-ը պետք է թռչեր մինչեւ ՄՏԿ եւ վերադառնար Երկիր։ Օդաչուի կողմից կառավարվող տիեզերանավի փորձարկումները պետք է անցկացվեին մինչեւ այս տարվա վերջը, սակայն ՆԱՍԱ-ն բազմիցս նշել է մի քանի կետեր, որոնք կարող են հանգեցնել տիեզերական տաքսու վթարի։ ՆԱՍԱ-ի ներկայացուցիչների խոսքերով, Starliner-ի պարաշյուտները կարող են ոլորվել եւ վայրէջքի ժամանակ շրջել կապսուլան։

Ապրիլյան թռիչքի հետաձգումը կարող է կապված լինել ULA ընկերության հետ, որը պետք է Starliner-ը արձակի Atlas 5 հրթիռի միջոցով, եւ դա կարող է իրականացնել միայն մայիսին կամ օգոստոսին։

Boeing CST-100 Starliner-ը ամերիկյան տիեզերանավ է, որը ստեղծվել է Commercial Crew Program ծրագրով։ Պլանավորվում է, որ Starliner-ը կարող է մինչեւ յոթ մարդ տանել ՄՏԿ, պահպանել նրանց կենսագործունեությունը 60 ժամվա ընթացքում եւ ավելի քան կես տարի կցված մնալ կայանին։

Անձնակազմը, որը մինչեւ 2019 թ․ վերջը պետք է թեսթավորի Starliner-ը, այժմ ուսանում է Տիեզերագնացների պատրաստման ռուսաստանյան կենտրոնում։