News
Լրահոս
News
Հինգշաբթի
Հոկտեմբեր 24
USD
475.99
EUR
528.92
RUB
7.45
ME-USD
0.07
Տեսնել լրահոսը

Հայաստանի կառավարությունն իր այսօրվա՝ ապրիլի 4-ի նիստում որոշում կայացրեց այս տարվա հունիսի 9-ին նշանակել և ՀՀ Սյունիքի մարզի Գորայք համայնքում անցկացնել համայնքի ղեկավարի և ավագանու անդամների արտահերթ ընտրություններ:

Որոշման հիմնավորման մեջ նշվում է, որ Գորայք համայնքի ղեկավար Առուստամ Առուստամյանը համայնքի ղեկավարի պաշտոնում ընտրվել էր 2016 թվականի սեպտեմբերի 18-ին կայացած համայնքի ղեկավարի ընտրության արդյունքում, սակայն 2019 թվականի մարտի 1-ին հրաժարականի դիմում է ներկայացրել:

Գորայքի  ավագանու թվով 7 անդամները եւս ընտրվել են 2016 թվականի սեպտեմբերի 18-ին: Ավագանու անդամներ Աշոտ Աղաջանյանը, Մուրադ Գասպարյանը, Մարտուն Թադևոսյանը, Հրայր Թորոսյանը 2019 թվականի մարտի 1-ին հրաժարականի դիմումներ են ներկայացրել:

Այդ հանգամանքով պայմանավորված, անհնարին է դարձել Գորայք համայնքի ավագանու նիստերի հետագա անցկացումը, քանի որ ավագանու անդամների թվաքանակը նվազել է օրենքով սահմանված թվաքանակի կեսից ավելիի չափով՝ ավագանու 7 անդամից 4-ը ներկայացրել են հրաժարականներ:

Այդ կապակցությամբ Գորայք համայնքի ավագանու մնացած անդամները ս.թ. մարտի 1-ին կազմել են Գորայք համայնքի ավագանու լիազորությունները վաղաժամկետ դադարեցման վերաբերյալ արձանագրություն:

Տպել
Կարդացեք նաև
Ամբողջը
Ամենաշատ