ՆԱՍԱ-ն դիտարկում է մարդկանց Լուսին հասցնելու համար գերծանր Falcon Heavy հրթիռի եւ ICPS (Interim Cryogenic Propulsion Stage) հրթիռասանդուղքի օգտագործման հնարավորությունը, գրում է Lenta-ն՝ հղում կատարելով ArsTechnica-ին։

Ամերիկյան պարբերականը ներկայացնում է այն բանավեճը, որը ծավալվել է տիեզերական գործակալությունում։ Զրույցի մասնակից՝ ՆԱՍԱ-ի տնօրեն Ջիմ Բրայդենսթայնը չի բացառել, որ Լուսնի վրա աստղագնացների վայրէջքի համար 2024 թվականին կարող են օգտագործվել Falcon Heavy-ն եւ ICPS-ը։

Տիեզերական գործակալության օդաչուավոր թռիքների վարչության ղեկավար Ուիլյամ Գերսթենմայերի կարծիքով՝ դրա համար անհրաժեշտ է լուծել Orion տիեզերանավը վառելիքով ապահովելու հարցը, երբ այն գտնվի Falcon Heavy-ի հորիզոնական դիրքում, ինչպես նաեւ կողային արագացուցիչների հավելյալ բեռնվածությունը հանելու խնդիրը։

Ընդ որում՝ տիեզերք թռչելու համար ստեղծվող SLS (Space Launch System) գերծանր հրթիռը նախկինի պես համարվում է Orion-ի տեղափոխման գերակա միջոց։

Մարտին Բրայդենսթայնը հավաստիացրել էր ԱՄՆ փոխնախագահ Մայք Փենսին, որ ՆԱՍԱ-ն կարագացնի SLS-ի մշակումը։ Մասնավորապես, կրիչի առաջին փորձնական թռիչքը (անօդաչու ռեժիմով) պետք է տեղի ունենա 2020-ին, իսկ օդաչուով թռիչքը դեպի Լուսին՝ 2022-ին։