Նյու Յորքում սակարկությունները սկսելուց հետո միլիարդատեր Իլոն Մասկը 2 րոպեում 1,1 մլրդ դոլար է կորցրել, հայտնում է Bloomberg-ը:
Նրա Tesla Inc. ընկերության բաժնետոմսերը 11 տոկոսով անկում են գրանցել: Բորսայի խաղացողներն այսպես են արձագանքել էլեկտրամոբիլների մատակարարման ռեկորդային կրճատման մասին լուրերին՝ 2019 թվականի 1-ին եռամսյակին մինչեւ 63 հազարով՝ անցյալ տարվա 4-րդ եռամսյակի 90 հազարից:
Բաժնետոմսերի այս անկումը Մասկի կարողությունը կրճատել է մինչեւ 22,3 մլրդ դոլար:
Մասկը փետրվարի 19-ին թվիթ էր հրապարակել 2019 թվականին կես միլիոն էլեկտրաքար թողարկելու ծրագրերի մասին: ԱՄՆ Արժեթղթերի հանձնաժողովը (SEC) համարել էր, որ այս հաղորդագրությունը կարող է ազդել ներդրողների վարքագծի վրա: Արդյունքում՝ SEC-ի մեղադրանքների մասին լուրերի հետեւանքով ընկերության բաժնեթղթերը գրանցել էին 5,4 տոկոսի անկում:
2018 թվականի սեպտեմբերին SEC-ն Իլոն Մասկի դեմ քրեական գործ էր հարուցել: Պատճառը ընկերությունը մասնավոր դարձնելու եւ 420-ական դոլարով բոլոր բաժնեթղթերը գնելու մտադրության մասին թվիթն էր: Հայտարարված գինը շուկայականից բարձր էր, իսկ Մասկը հետագայում իր ծրագրերից հրաժարվել էր: Սա՝ բաժնեթղթերի փոխարժեքի վրա ազդելու նպատակով խարդախության մեջ նրան կասկածելու պատճառ էր դարձել: Արդյունքում՝ նա հեռացել էր տնօրենների խորհրդի նախագահի պաշտոնից: