Փոխհատուցում կստանան ոչ միայն մահացածների հարազատները, այլ այն քաղաքացիները, որոնք 2008-ի մարտի 1-2-ին Երեւանում ցույցերը ցրելու ժամանակ ծանր վնասվածքներ, ինչպես նաեւ միջին ծանրության վնասվածքներ են ստացել: Ապրիլի 5-ին պետաիրավական հարցերի մշտական խորհրդարանական հանձնաժողովի նիստին՝ «2008-ի մարտի 1-2-ին Երեւանում տեղի ունեցած իրադարձությունների հետեւանքով տուժածներին փոխհատուցում վճարելու մասին» օրինագծի քննարկման ժամանակ ասաց Արդարադատության նախարար Արտակ Զեյնալյանը:
Նրա խոսքով՝ զոհերի հարազատները եւ տուժածները կարող են Կառավարություն դիմում ներկայացնել 3 տարվա ընթացքում փոխհատուցում ստանալու մասին՝ տվյալ օրենքի ուժի մեջ մտնլեուց հետո:
Նշենք, որ օրինագիծը միաձայն դրական եզրակացուջթյուն է ստացել խորհրդարական հանձնաժողովում:
Հիշեցնենք, որ 2008 թվականի մարտի 1-ին իշխանություն-ընդդիմություն դիմակայության ժամանակ մահացել էր 8 ցուցարար եւ Ներքին զորքերի 2 ծառայող: