Ապրիլի 5-ին ՀՀ կառավարության պատվիրակությունը վարչապետ Նիկոլ Փաշինյանի գլխավորությամբ այցելեց Գյումրիում տեղակայված Հարավային ռազմական շրջանի ռուսական ռազմական բազա: Այս մասին հաղորդում է Հարավային ռազմական շրջանի մամուլի ծառայությունը:
«ՀՀ վարչապետ Նիկոլ Փաշինյանի գլխավորությամբ պատվիրակությունը ծանոթացավ «Մեծ ամրոց» ռազմական քաղաքում զինծառայողների կյանքին եւ կենցաղին, այցելեց «Մեծ ամրոց» ռազմական քաղաքի «Պատվի բլուր» եւ »Զինվորական փառքի» հուշահամալիրներ, զորամասի թանգարան եւ Սուրբ նահատակ Ալեքսանդրա թագուհու եկեղեցի», - ասվում է հաղորդագրությունում:
Ռուսական ռազմական միավորման հրամանատարությունը ՀՀ Կառավարության պատվիրակությանը ծանոթացրեց միավորման ստեղծման պատմությանը, նրա կառուցվածքին, ժամանակակից սպառազինություններին եւ ռազմական տեխնիկային:
Հաղորդագրությունում նշվում է, որ այցի ավարտին հանրապետության կառավարության պատվիրակությունը, ինչպես նաեւ Հայաստանում ՌԴ դեսպանատան, ՀՀ-ում ԱԴԾ Սահմանապահ վարչության, Գյումրիում Գլխավոր Հյուպատոսության եւ Շիրակի մարզպետարանի ներկայացուցիչները ծաղիկներ եւ ծաղկեպսակներ դրեցին խորհրդային զինվորների եւ Խորհրդային միության կրկնակի հերոս, գեներալ-լեյտենանտ Միխայիլ Կալաշնիկովի հուշարձաններին:
