ԵԿՄ 12–րդ արտահերթ համագումարի կողմից ընտրված վարչության կազմը այսօր՝ ապրիլի 7–ին անդրանիկ նիստ անցկացրեց և միաձայն ԵԿՄ վարչության նախագահ ընտրվեց Սասուն Միքայելյանը։
Ընտրվեց նաև 25 հոգուց բաղկացած վարչության կազմը՝ նախկին 186 հոգու փոխարեն։ Նշվեց, որ շատ անդամներով վարչության նիստերը դժվար է անցկացնելը, այդ իսկ պատճառով որոշվեց փոքրացնել վարչության կազմը՝ աշխատանքային խնդիրները լուծելու համար. յուրաքանչյուր մարզից ընտրվեց մեկական պատվիրակ։
ԵԿՄ վարչության կազմը.՝ Տավուշի մարզից Վարդան Պետրոսյանը, Սյունիքի մարզից Մանվել Օհանյանը, Վայոց ձոր մարզից Հովիկ Օհանյանը, Արմավիր մարզից Ռուստամ Գասպարյանը, Արարատի մարզից Արամ Սարգսյանը, Արագածոտնի մարզից Մուկուչ Սափեյանը, Շիրակի մարզից Բարսեղ Բարսեղյանը, Կոտայքի մարզից Գառնիկ Միքայելյանը, Գեղարքունիքի մարզից Գագիկ Խաչատրյանը, Լոռու մարզից Սամսոն Խաչատրյանը, Երևանից Անդրանիկ Մկրտչյանը, Սասուն Միքայելյանը, Սուրեն Բարսեղյանը, Մանվել Եղիազարյանը, Արա Կետիկյանը, Ղուկաս Ուլիխանյանը, Անդրանիկ Քոչարյանը, Վաղարշակ Հարությունյանը, Հակոբ Հակոբյանը, Մարտին Կարապետյանը, Աֆղանստանի վետերանների միության նախագահ Արմեն Մխիթարյանը, Մանվել Հովսեփյանը, «Տիգրան մեծից» Խաչիկ Գալստյանը, Ապրիլյան պատերազմի մասնակիցների միությունից Հրանտ Սարգիսովը, նաև օդաչու Ստեփան Նիկողոսյանը։
Նշենք, որ այսօր, ապրիլի 7–ին, տեղի է ունենում ԵԿՄ 12–րդ արտահերթ համագումարը, որի օրակարգում է վարչության նոր նախագահի ընտրությունը, ԵԿՄ հայտարարությունը, նաև վարչության կազմի ընտրության հարցը։
Հիշեցնենք, որ Երկրապահ կամավորականների միության (ԵԿՄ) վարչությունը 2018թ–ի հունիսի 24–ին հրավիրած նիստում որոշել է լիազորություններից զրկել ԵԿՄ վարչության նախագահ Մանվել Գրիգորյանին:
Մանվել Գրիգորյանը մեղադրվում է ապօրինի կերպով զենք-զինամթերք պահելու, գույք յուրացնելու, հարկերի վճարումից խուսափելու, պետական միջոցներ վատնելու եւ շորթմամբ գույքի հափշտակությունը կազմակերպելու համար: