News
Լրահոս
News
Երեքշաբթի
Հոկտեմբեր 22
USD
476.32
EUR
531.95
RUB
7.48
ME-USD
0.08
Տեսնել լրահոսը

Երկուշաբթի օրը ճապոնական Nissan ավտոկոնցեռնի արտահերթ ժողովում տնօրենների խորհրդից հանել են Կառլոս Գոնին, որը մեղադրվում է ֆինանսական խարդախություններում։ Ավելի վաղ նա զբաղեցնում էր Renault - Nissan – Mitsubishi ֆրանս-ճապոնական ավտոմիության ղեկավարի պաշտոնը, տեղեկացնում է ՌԻԱ «Նովոստի»-ն։

Գոնի հետ միասին տնօրենների խորհրդից հանվել է նրա մերձավոր աշխատակիցներից մեկը՝ Գրեգ Քելին, որը նույնպես մեղադրվում է խարդախություններում։ Ընդ որում՝ բաժնետերերը քվեարկել են Renault-ի նոր նախագահ Ժան Դոմինիկ Սենարին Nissan-ի տնօրենների խորհրդում ընդգրկելու օգտին։

«Մենք պետք է ընդունենք, որ կառավարման խնդիրներ ունեինք»,- ասել է Nissan-ի գլխավոր տնօրեն Հիրոտո Սաիկավան հանդիպման արդյունքներով։ Նրա խոսքով՝ դաշինքի նախկին ղեկավարը ոչ մի դրամական փոխհատուցում չի ստանա ազատման հետ կապված։

Չնայած, Գոնը դեռ անցած տարի ազատվել էր Nissan-ի տնօրենների խորհրդի նախագահի պաշտոնից, նա շարունակում էր անդամակցել դրան եւ կարող էր մասնակցել նիստերին։ Բանտից գրավի դիմաց դուրս գալուց հետո՝ մարտին, Գոնի փաստաբանները մի քանի անգամ համապատասխան խնդրանքներ են ներկայացրել, բայց դատարանը մերժել է դրանք։

Գոնն ու նրա աշխատակիցը՝ Nissan-ի տնօրենների խորհրդի նախկին անդամ Գրեգ Քելին, ձերբակալվել են անցած տարվա նոյեմբերի 19-ին՝ ճապոնական ֆինանսական օրենսդրությունը խախտելու կասկածանքով։ Խոսքն այն մասին է, որ Գոնը պատշաճ ձեւով չի հայտարարագրել իր 9 մլրդ իենի (ավելի քան 80 մլն դոլար) պարգեւավճարը՝ որպես Nissan-ի տնօրենների խորհրդի նախագահ 2010-2018 թվականներին։ Քննության տվյալներով՝ նա այդ կորպորացիային է վերագրել իր անձնական ֆինանսական կորուստները արժեթղթերով անհաջող գործարքներից հետո 2008-ին։ Քելին, որին մեղադրում են այդ խարդախություններին մասնակցության մեջ, գրավի դիմաց բաց է թողնվել անցած տարեվերջին, բայց Գոնին երկու անգամ մերժել են բաց թողնել։ Այն բանից հետո, երբ Գոնն այս տարի նոր փաստաբան վարձեց, պաշտպանությունը որոշեց եւս մեկ հարցապնդում ներկայացնել նրա ազատման մասին։ Արդյունքում՝ մարտի 6-ին Գոնն ազատ արձակվեց բանտից 9 մլն դոլար գրավի դիմաց, բայց ապրիլի 4-ին նրան նորից ձերբակալեցին՝ խարդախությունների նոր կասկածանքներով։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հռոմի պապի ստորագրությամբ Harley Davidson մոտոցիկլետը վաճառվել է աճուրդում
Harley Davidson-ի վաճառքից ստացված գումարը կտրամադրվի Ուգանդայում մանկատան եւ դպրոցի շինարարությանը, ինչպես նաեւ լքված երեխաներին բնակարանով ապահովելուն․․․
Nissan ընկերությունը ներկայացրել է իր նորացված «թեժ» մոդելը
Սովորական մինիվեններից նորույթը տարբերվում է սպորտային տեսքով, նոր դիսկերով, հարուստ սարքավորումներով, սրահում դիզայներական լուծումներով…
General Motors-ը ցանկանում է վերականգնել Hummer մակնիշը
Վերլուծաբանների կարծիքով՝ դա թույլ կտա ամերիկյան կոնցեռնին տեղ գտնել ցածր մրցակցությամբ ավտոմոբիլային շուկայի բարձր եկամտաբերություն ունեցող սեգմենտներում…
Գյումրիում տեղակայված Հյուսիսային մաքսատուն-վարչությունը աշխատելու է նաև շաբաթ և կիրակի օրերին
Ավտոներկրողները թեթև մարդատար ավտոմեքենաների որոշ խմբերի մաքսային…
100 կիլոմետրի համար մեկ լիտր ծախսով գերթեթեւ հիբրիդային Volkswagen-ը կհանվի աճուրդի
Աշխարհի ամենախնայողական մեքենաներից մեկը կհանվի աճուրդի...
Աճուրդային տունը վաճառքի է դրել աշխարհի ամենաառաջին ավտոմեքենաներից մեկը
Այսօրվա դրությամբ պահպանվել է այդ մոդելի հինգ օրինակ, սակայն միայն վաճառքի հանված ավտոմեքենան ունի «տոհմական» պատմություն․․․