Գազի գինը չի փոխվելու՝ լինի կիլոգրամ, թե խմ: Այս մասին ԱԺ-ում լրագրողների հետ զրույցում նշեց ԲՀԿ խմբակցության ղեկավար Գագիկ Ծառուկյանը՝ անդրադառնալով հարցին, թե արդյոք նաեւ իրեն պատկանող ԱԳԼՃԿ-ներին չէր վերաբերվում կառավարության նիստում վարչապետ Նիկոլ Փաշինյանի այն հայտարարությունը, թե թող գայթակղությանը չտրվի ոչ ոք, եթե չի ուզում իր ծնոտին զգալ կառավարության հակահարվածը:
Նշենք, որ խոսքը վերաբերում էր նրան, որ ապրիլի մեկից ԱԳԼՃԿ-ներում գազը թանկացել էր:
Հարցին, թե դա ձեզ չի՞ վերաբերվում, Ծառուկյանն արձագանքեց. «Դուք տեսել եք այդ օրվա հեռուստաընկերությունների մեկնաբանությունները: Եկել են, համապատասխան նկարել են գազալցակայանները, վարորդներին եւ այնտեղ ներկայացրել են, որ մեր գազալցակայաններում ոչ մի բան չի փոխվել, նախկինի պես աշխատում են: Ոչ մի բան չէր կարող փոխվել: Իրոք, դա քայլ է կատարվում ի օգուտ վարորդների, բայց պետք է իմանանք, որ գինը չի փոխվելու՝ լինի կիլոգրամ, թե խմ»:
«Կառավարության հարվածի ուժն իրենց ծնոտին կզգան». Փաշինյանին զայրացրել է գազի թանկացումը
