News
Լրահոս
News
Երեքշաբթի
Հունվար 28
USD
478.87
EUR
528.43
RUB
7.75
ME-USD
0.06
Տեսնել լրահոսը


«Մենք խոսում ենք «Կանայք՝ հանուն խաղաղության» նախաձեռնության մասին, որի էությունը բնավ Ադրբեջանի կանանց դիմելը չէ. դա հընթացս տեղի ունեցավ։ Այս մասին ԱՄՆ կատարած իր շրջագայության ժամանակ «Ամերիկայի ձայն»-ին  տված հարցազրույցում նշել է ՀՀ վարչապետի տիկին Աննա Հակոբյանը:

«Մենք դիմում ենք ոչ թե Ադրբեջանի կանանց, այլ ըստ էության դիմում ենք Ղարաբաղյան հակամարտության մեջ ներգրավված բոլոր երկրներին, կողմերին եւ միջնորդություն իրականացնող երկրներին։ Մեր կոչը նրանց մեկն է ընդամենը, որպեսզի հրադադարի ռեժիմը պահպանվի անբեկանելիորեն, որպեսզի չսպանեն սահմանը պահող երիտասարդ զինվորներին՝ ինչպես հայկական կողմից, այնպես էլ՝ Ադրբեջանի կողմից»,-ասել է Աննա Հակոբյանը:

Նրա խոսքով, իրենց իրենց նախաձեռնության միակ իմաստը զինվորների կյանքը պաշտպանելն է. «եւ նրանց ուղղակի չզոհաբերելը հանուն ոչնչի, որովհետեւ հակամարտության պատմության այս տարիների ընթացքում բազմաթիվ զոհեր ենք ունեցել երկու կողմից էլ, հազարավոր զոհեր ենք ունեցել, բայց մենք նրանց կյանքը զոհաբերել ենք հանուն ոչնչի, որովհետեւ ոչ մի կերպ, ոչ մի սանտիմետր անգամ այդ զոհերը մեզ չեն մոտեցրել հակամարտության կարգավորմանը, եթե չասենք ընդհակառակը՝ հեռացրել են կարգավորումից, որովհետեւ պարզ բան է, հայտնի ճշմարտություն է, որ թշնամանքի մթնոլորտում չենք կարող խաղաղություն կառուցել, չենք կարող հակամարտության լուծում գտնել»,- ընդգծել է Աննա Հակոբյանը:

Նա նշել է, որ իրենց այս նախաձեռնության միակ իմաստը կյանքեր խնայելն է երկու կողմից էլ։

«Ադրբեջանի կանանց ուղղված խոսքը հետեւյալն է, որ ընդամնեը առաջարկություն է, որ միանան այս նախաձեռնությանը եւ իրենք իրենց հերթին կոչ անեն իրենց ղեկավարությանը երբեւէ Ղարաբաղյան հակամարտության կարգավորման փուլում չդիմել ուժի կիրառմանը եւ չդիմել պատերազմի, որովհետեւ բացի այն, որ կանայք իրավունք ունեն այդ հորդորն ուղղել տղամարդկանց՝ որպես մայր, որպեսզի խնայեն իրենց որդիների կյանքը, նաեւ կյանքը ցույց տվեց, իրադարձությունները ցույց տվեցին, որ փորձ արվեց Ադրբեջանի կողմից դիմել բռնության, ուժի կիրառման, պատերազմ հրահրվեց, որը կրկին չավարտվեց ոչնչով, եւ նրանց պատկերացումներն իրականություն չդարձան: Այդ դեպքում նույնպես մենք ունեցանք ուղղակի զոհեր, որոնք ոչնչի չօգնեցին, ինչն անթույլատրելի է պարզապես։

Եվ ես հույս ունեմ, որ ադրբեջանցի կանայք նույնպես կարձագանքեն, եւ իրենք էլ իրենց հերթին՝ կոչ կանեն հակամարտող կողմերին, իրենց ղեկավարությանը՝ երբեւէ չդիմել զենքի ուժին, փոխարենը՝ նստել բանակցությունների սեղանի շուրջ, ինչն արդեն, բարեբախտաբար, վերականգնվել է, բանակցային գործընթացը, եւ իրենց ուժը չափեն բանակցությունների սեղանի շուրջ եւ հարցի լուծումը փորձեն բերել իրենց գաղափարներով եւ ոչ թե՝ երիտասարդ կյանքեր խլելով»,- ասել է ՀՀ վարչապետի տիկինը։

Տպել
Կարդացեք նաև
Ամբողջը
Վարչապետն իրենից կախված ամեն ինչ անում է, որ կարողանանք հասնել ցանկալի արդյունքի. Արմեն Սարգսյանը՝ Արցախի խնդրի մասին
Մենք էս 28 տարիների ընթացքում բանակով հիմնականում միայն ձեռքբերումներ ենք ունեցել, իսկ բացթողումները, որոնք եղել են նաեւ կորուստներով…
Սահմանային իրավիճակը կայուն է․ Դավիթ Տոնոյան
Անդրադառնալով միջադեպին, որի ժամանակ զինվոր էր վիրավորվել, Տոնոյանն ասաց, որ զինվորի վիճակը ծանր կայուն է․․․
Մնացականյան-Մամեդյարով հանդիպումը տեղի կունենա հունվարի 29-30-ին՝ Ժնեւում
Զոհրաբ Մնացականյանը Ժնևում հանդիպումներ կունենա ԵԱՀԿ Մինսկի խմբի համանախագահների...
ԱԳ նախարարը մեկնաբանել է գերիների ազգականների այցերի կազմակերպման հնարավորությունը
Դրանք հումանիտար քայլեր են, հումանիտար նախաձեռնություն…
Ակնհայտ է, որ Արցախը որեւէ պարագայում չի կարող լինել Ադրբեջանի կազմում. Աննա Նաղդալյան
Ցավոք, այս տարի եւս Ադրբեջանի իշխանությունների շարունակեցին ուղղակի կամ անուղղակի կերպով Բաքվում 30 տարի առաջ իրականացված հակահայկական...
Հայաստանը հաշվի է առնում Ղարաբաղի հարցով բանակցային գործընթացում Ադրբեջանի ընտրությունների գործոնը․ նախարար
Այս տեսակետից, իհարկե, ընտրությունները հանգամանք են, որը մենք հաշվի ենք առնում․․․