News
Լրահոս
News
Հինգշաբթի
Ապրիլ 25
Տեսնել լրահոսը

Հունաստանը կմասնակցի Լուսնի յուրացման ծրագրին եւ Միջազգային լուսնակայանի ստեղծմանն ու Լուսնի մակերես կուղարկի ռոբոտ-լուսնագնաց արբանյակ, տեղեկացնում է ՌԻԱ «Նովոստի»-ն՝ հղում կատարելով Հունաստանի թվային քաղաքականության, կապի եւ տեղեկատվության նախարարությանը։

Հունաստանի տիեզերական կազմակերպությունը (ELDO) եւ ԱՄՆ աերոնավտիկայի եւ տիեզերական տարածության հետազոտման ազգային վարչությունը (ՆԱՍԱ) երկուշաբթի համագործակցության հռչակագիր են ստորագրել։ Այն նախատեսում է երկու կազմակերպությունների փոխգործակցություն Լուսնի եւ տիեզերքի այլ ոլորտների հետազոտման ոլորտում՝ ՆԱՍԱ ծրագրի շրջանակում։

ELDO-ի մասնակցությունը ՆԱՍԱ ծրագրին նախատեսում է 2022-ին Լուսին ուղարկել հունական առաջին ռոբոտացված մեքենան՝ նրա տարածքի յուրացման եւ տվյալների ստացման համար, որոնք կպատկանեն հունական պետությանը եւ կօգտագործվեն հունական համալսարանների եւ հետազոտողների կողմից, տեղեկացրել է նախարարությունը։

Հունաստանի մասնակցությունը կկոչվի «Հելլադան Լուսնի վրա» (Hellas to the Moon)։

Համաձայնագիրը ստորագրվել է Հունական տիեզերական կազմակերպության ստեղծումից մեկ տարի հետո, նշում է նախարարությունը։

«ՆԱՍԱ-ն կուղեւորվի Լուսին եւ կմնա։ Եզակի բան է, որ մենք ուղեւորվում ենք Լուսին գլոբալ դաշինքով։ Մենք շատ ուրախ ենք, որ ELDO-ն, որն ընդամենը մեկ տարեկան է, կուղեւորվի մեզ հետ Լուսին»,- ասել է ՆԱՍԱ տնօրեն Ջիմ Բրայդենսթայնը։

Հունաստանի թվային քաղաքականության նախարար Նիկոս Պապասը, որը Կոլորադոյում ներկա էր համաձայնագրի ստորագրման արարողությանը, շատ կարեւոր է համարում Հունաստանի մասնակցությունը տիեզերական ծրագրերին։ «ELDO-ի ստեղծումից ընդամենը մեկ տարի հետո Հունաստանը կուղեւորվի Լուսին»,- ասել է նա։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մեծ Բրիտանիան Huawei Technologies-ին սահմանափակ դեր կհատկացնի իր 5G ցանցի ստեղծման գործում
Huawei Technologies-ն սահմանափակ դեր կունենա Մեծ Բրիտանիայի 5G ցանցի ստեղծման գործում...
Նշվել են «ամենաթույլ» նշանաբառերը
Մեծ Բրիտանիայի կիբեռանվտանգության ազգային կենտրոնը կազմել է ամենաանվտանգ նշանաբառերի ցանկը...
Amazon-ում հիմա կարելի է վճարել կրիպտոարժույթով
Amazon-ում հիմա կարելի է վճարում կատարել սթարտապով...
Քայլեր են արվում, որ հայաստանյան նոր ընկերությունների ներկայացուցիչները այցելեն Սիլիկոնյան հովիտ
Հակոբ Արշակյանն այցելել է «Վինեթի»-ի հայաստանյան մասնաճյուղ...
Apple-ն Amazon-ին ամսական ավելի քան 30 մլն դոլար է վճարում
Աղբյուրի խոսքով՝ Apple-ի այս ծախսերն արտացոլում են արագ եւ հուսալի օնլայն ծառայություններ տրամադրելու ընկերության վճռականությունը...
«ՏՏ ոլորոտում Հայաստանը դեռ շատ ասելիք ունի». ԱԳ նախարարը ծանոթացել է «Ինժեներական քաղաքի» կոնցեպտին
Նախարարին ուղեկցել է Ձեռնարկությունների ինկուբատոր հիմնադրամի (EIF) տնօրեն Բագրատ Ենգիբարյանը...