ՀՀ պաշտպանության նախարար Դավիթ Տոնոյանն ապրիլի 8-ին ընդունել է ՀՀ-ում ՄԱԿ-ի մշտական համակարգող Շոմբի Շարփին:
ՊՆ-ից NEWS.am-ին հայտնում են, որ հանդիպման ընթացքում պաշտպանության նախարարը մանրամասներ է ներկայացրել ՄԱԿ-ի խաղաղապահության համաժողովին մասնակցելու նպատակով Նյու Յորք կատարած այցի արդյունքների վերաբերյալ` ուշադրություն հրավիրելով Սիրիայում հայկական ազգային մարդասիրական առաքելության եւ ՄԱԿ-ի մարդասիրական աջակցություն ցուցաբերող կառույցների միջեւ աշխատանքների համակարգման հնարավոր ձեւաչափերի վրա: