ՀՀ վարչապետ Նիկոլ Փաշինյանի գլխավորած կառավարությունն այսօր՝ ապրիլի 11-ին, անցկացնում է հերթական նիստը: Նիստի օրակարգում ընդգրկված է 41 հարց, որից 29-ը՝ չզեկուցվող, մեկը՝ գաղտնի:
Նիստը վարում է փոխվարչապետ Տիգրան Ավինյանը, քանի որ վարչապետ Նիկոլ Փաշինյանը գտնվում է Ստրասբուրգում: Նա այսօր ելույթ է ունենալու ԵԽԽՎ-ում եւ պատասխանելու է ներկաների հարցերին:
Նշենք, որ կառավարության օրակարգում են մասնավորապես, հետեւյալ հարցերը.
- ԱԱԾ-ին գումար հատկացնելու մասին,
- «Կառավարության կառուցվածքի և գործունեության մասին» Հայաստանի Հանրապետության օրենքում փոփոխություն և լրացում կատարելու մասին» Հայաստանի Հանրապետության օրենքի նախագծի մասին,
- ՀՀ հողային ֆոնդի՝ ըստ նպատակային նշանակության հողերի 2019 թվականի կադաստրային գները հաստատելու մասին,
- «ԵՏՄ-ի և ՉԺՀ-ի մաքսային սահմաններով տեղափոխվող ապրանքների և միջազգային փոխադրում իրականացնող տրանսպորտային միջոցների վերաբերյալ տեղեկատվության փոխանակման մասին» համաձայնագրի ստորագրման առաջարկությանը հավանություն տալու մասին»,
- «Հայաստանի կառավարության և Բուլղարիայի կառավարության միջև միջազգային ավտոմոբիլային ուղևորափոխադրումների և բեռնափոխադրումների մասին» համաձայնագրի ստորագրման առաջարկությանը հավանություն տալու մասին,
- Հայաստանի ցամաքային տարածքի ծածկույթի դասակարգման կարգը հաստատելու մասին եւ այլ հարցեր: