«Բատկիվշչինա» կուսակցության ղեկավար Յուլյա Տիմոշենկոն ասել է, որ Ուկրաինայի նախագահի թեկնածու Վլադիմիր Զելենսկին, ընդհատելով հեռախոսազրույցը նախագահ Պյոտր Պորոշենկոյի հետ, դրանով «նսեմացրել է ուկրաինական պետությունը»։ Տիմոշենկոյի հայտարարությունը հրապարակվել է Facebook սոցիալական ցանցի նրա էջում։
«Ես տեսա նախագահի պաշտոնի կարգավիճակի նսեմացում։ Ես տեսա ուկրաինական պետության նսեմացում»,- ասել է Տիմոշենկոն։
Նա նաեւ կարծիք է հայտնել, որ «միլիոնավոր ուկրաինացիներ» չէին ցանկանա դառնալ քաղաքական գործիչների նման երկխոսության վկաները։
Ավելի վաղ տեղի էր ունեցել հեռախոսազրույց Պորոշենկոյի եւ Զելենսկու միջեւ «1+1» հեռուստաալիքի եթերում, որի ժամանակ վերջինը կախել էր ընկալուչը երկխոսություն վարելու անհնարինության պատճառով։