News
Լրահոս
News
Կիրակի
Սեպտեմբեր 27
USD
485.27
EUR
565.05
RUB
6.28
ME-USD
0.01
Տեսնել լրահոսը

Ցեմենտի հայկական շուկայում առայժմ առավելություն ունեն տեղական արտադրողները: Ապրիլի 12-ին Տնտեսական հարցերի խորհրդարանական մշտական հանձնաժողովի նիստում «Պետական տուրքի մասին», ինչպես նաեւ «Գործունեության իրականացման վերաբերյալ իրազեկման մասին» օրենքներում լրացումներ կատարելու մասին օրինագծերի փաթեթի քննարկման ժամանակ ասաց հիմնական զեկուցող, տնտեսական զարգացման եւ ներդրումների նախարար Տիգրան Խաչատրյանը:

Նրա խոսքով՝ 2018 թվականին տեղական արտադրությունն աճել է 53 տոկոսով, իսկ ներմուծումը՝ 3,5 անգամ: «Այսինքն՝ ստացվում է, որ ներմուծումը շատ ավելի արագ է աճում, քան մեր տեղական արտադրությունը: Հայկական շուկայում 680 հազար տոննայից 512 հազարը կազմել է հայկական ցեմենտը, իսկ 168 հազարը բերած է»,- պարզաբանեց Խաչատրյանը:

Նա հայտնեց, որ ըստ նախարարության հետազոտությունների՝ տեղական ձեռնարկությունների ցեմենտի միջին ինքնարժեքը կազմում է տոննայի համար 41-42 հազար դրամ, այսինքն շուրջ 85-90 դոլար: Միաժամանակ, Իրանում ցեմենտն արժի ավելի քան չորս անգամ էժան՝ 15-20 դոլար: «Ընդ որում՝ խոսքն անգամ ինքնարժեքի մասին չէ, այլ մանրածախ առեւտրի: Իսկ Հայաստան տեղափոխումը գնահատվում է տոննայի համար 15 դոլար: Արդյունքում Իրանի սահմանին՝ Մեղրիում իրանական ցեմենտն արժի ընդամենը 30 դոլար կամ շուրջ 15 հազար դրամ»,- նշեց նախարարը:

Պաշտոնյան նշեց, որ Իրանում գազը շատ էժան է, որը կարող է կազմել ցեմենտի արժեքի մինչեւ կեսը, իսկ Իրանի կառավարությունը նաեւ սուբսիդավորում է տեղական արտադրողներին:

Հիշեցնենք, որ օրինագծերի փաթեթով առաջարկվում է երկիր իրանական ցեմենտի ներմուծման մաքսատուրքը բարձրացնել տոննայի դիմաց մինչեւ 22 հազար դրամ: Կառավարության կարծիքով՝ դա կլինի ցեմենտի տեղական արտադրողներին աջակցության գործողություն:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Անկում՝ կորոնավիրուսի հնարավոր երկրորդ ալիքից առաջ. Արա Գալոյան
Ու իրավիճակին լրիվ համահունչ հրապարակվեցին մեր երկրի սոցիալ -տնտեսական վիճակը բնութագրող այս տարվա հունվար-օգոստոսի հիմնական մակրոտնտեսական ցուցանիշները…
«Ժողովուրդ». Բնակարանային շուկան Հայաստանում պասիվացել է. գործարքները նվազել են
Օգոստոսին մայրաքաղաքում վաճառվել է ընդամենը 735 բնակարան։ Սա 272-ով պակաս է նախորդ տարվանից...
«Հրապարակ». Սկանդալային առաջարկ. ՀԴՄ կտրոն չվերցնողներն էլ կպատժվեն
Եթե քաղաքացին իմանա, որ 10 անգամից կամ 100 անգամից մեկ անգամը բռնվելու է, ապա ինչո՞ւ պիտի անընդհատ նման անհանգստության մեջ ապրի՝ ամեն անգամ կվերցնի...
Ո՞ր ակտիվներում է ավելի շահավետ պահել կապիտալը ներկայիս ճգնաժամի ընթացքում
Աշխարհում կա նաեւ որոշակի հետաքրքրություն անշարժ գույքի նկատմամբ...
Վարկային արձակուրդները եւ համաներումները Հայաստանում հնարավոր են. փորձագետը նշել է լուծման ուղիները
«Վարկային համաներումը բոլոր ուղղություններով եւ ամբողջությամբ` որպես պերմանենտ ​​միջոց, իհարկե անհնար է...
Տնտեսական անկման պայմաններում իշխող ուժը թվանկարչությամբ սխալ ազդակներ է տալիս բիզնեսին եւ ազգաբնակչությանը. Պարսյան
Եվ այսպես՝ 2020 թվականի հունվար-օգոստոս ամիսներին նախորդ տարվա նույն ժամանակահատվածի համեմատ տնտեսական…