ԱՄՆ Գրեյթ Սմոքի Մաունթինս ազգային պարկի աշխատակիցները նշել են գլխավոր սխալները, որոնց պատճառով կորչում են զբոսաշրջիկները, տեղեկացնում է «Մոյա պլանետա»-ն՝ հղում կատարելով Travel + Leisure-ին։
Առաջին սխալը կատարում են այն զբոսաշրջիկները, ովքեր չեն պատմում ընկերներին ու մերձավորներին նախատեսած երթուղու մասին եւ չեն վերցնում տեղանքի քարտեզներ ու չեն նշում ճամփորդության ժամկետը։
Երկրորդ սխալը անընդհատ շարժվելն է տեղանքում, այն բանի փոխարեն, որպեսզի դուրս գան բաց տարածք ու սպասեն փրկարար ծառայություններին։ Դեպքերի 65 տոկոսում զբոսաշրջիկները շարունակում են շարժվել՝ ավելի շատ մոլորվելով։
Երրորդ սխալը վառ հագուստ չվերցնելն է։ Այս դեպքում փրկարարները խորհուրդ են տալիս ուշադրություն գրավել հնարավոր ցանկացած միջոցով՝ հայելու, սուլիչի, վառ հագուստի կամ ծխային ազդանշանի, խարույկ վառելու օգնությամբ։ Փորձագետները խորհուրդ են տալիս մանրամասն ծրագրել բնության գրկում կատարելիք ճամփորդությունը, օգտագործել որակյալ հանդերձանք, հուսալի քարտեզներ եւ նավիգատոր, քանի որ դեպքերի մեծ մասում խնդիրներ ծագում են վատ պատրաստվելու պատճառով։
