Ղարաբաղյան հիմնահարցի շուրջ ընթացող բանակցությունները հաջող ավարտի հասցնելու գործում իր լիակատար աջակցությունն է հայտնել նախագահ Արմեն Սարգսյանը։ Այսօր, ապրիլի 12-ին, լրագրողների հետ զրույցում Հայաստանի նախագահը նաեւ պարզաբանել է, որ հաջող ավարտը Արցախի ինքնորոշման իրավունքի իրացումն է։
«Իհարկե, ի վերջո Ղարաբաղյան հիմնահարցի շուրջ երկար տարիների բանակցությունները եւ այսօրվա բանակցություններն ունեն մեկ նպատակ՝ խաղաղ լուծում։ Ես, որպես հանրապետության նախագահ, իհարկե, չեմ մասնակցում բանակցություններին, բանակցությունները վարում են Ադրբեջանի արտգործնախարարն ու նախագահը եւ մեր կողմից մեր վարչապետը եւ նախարարը։ Իմ ողջ աջակցությանը կարող եք վստահ լինել, այդ բանակցությունները ի վերջո հաջող ավարտին բերելու, այսինքն ավարտին, որտեղ մենք կստանանք վերջնական լուծում Ղարաբաղի ինքնորոշման հարցում, Ղարաբաղյան հարցի վերջնական լուծում կստանանք, ընդ որում խաղաղ ճանապարհով»,- ասել է Արմեն Սարգսյանը։