News
Լրահոս
News
Երկուշաբթի
Հոկտեմբեր 14
USD
476.73
EUR
525.36
RUB
7.42
ME-USD
0.08
Տեսնել լրահոսը

Թուրքիայի ֆինանսների նախարար Բերաթ Ալբայրաքը չի կարողացել ներդրողներին համոզել Թուրքիայի տնտեսության հեռանկարների հարցում: Թուրքիայի նախագահի փեսան տնտեսական վերափոխման իր ծրագրի քիչ համոզիչ մանրամասներ է ներկայացրել եւ Վաշինգտոնում մասնավոր հանդիպման ժամանակ չի կարողացել ներդրողների հիացմունքն առաջացնել, հայտնում է Reuters-ը՝ վկայակոչելով հանդիպման մասնակիցներին:

Վաշինգտոնի հյուրանոցներից մեկում էին հավաքվել մոտ 400 ներդրողներ, որտեղ Ալբայրաքը եւ Թուրքիայի Կենտրոնական բանկի ղեկավար Մուրաթ Չեթինքայան ներկայացրել են բարեփոխումների փաթեթը:

Թուրքական լիրայի տատանումների եւ ներդրողների վստահության կորուստի հետ կապված՝ երկարաժամկետ բարեփոխումների համոզիչ փաթեթի հանձնառությունը ճանաչվել էր Թուրքիայի լավագույն հնարավորություններից մեկը տնտեսության վերականգնման համար, որը տուժում է ռեցեսիայից եւ բարձր ինֆլյացիայից:

Բայց Թուրքիայի ակնկալվող վերականգնման վերաբերյալ Ալբայրաքի լավատեսական կարծիքը Վաշինգտոնում անարձագանք է մնացել, հայտնել են աղբյուրները: Նրանցից մեկն ասել է, որ Ալբայրաքը մատնացույց է արել վերջերս տեղի ունեցած գնանկումը եւ ընթացիկ գործարքների բարելավումը՝ պնդելով, որ Թուրքիայում այսօր իրավիճակը շատ ավելի բարվոք է, քան անցյալ տարվա հոկտեմբերին:

«Չեմ կարծում, որ նա որեւէ մեկին համոզեց, ամեն ինչ այլ կերպ ընթացավ»,- ասել է ներդրողը, որը մասնակցել է JPMorgan ներդրումային բանկի կազմակերպած համաժողովին: Նրա խոսքով՝ ԱՄՆ Դաշնային պահուստային համակարգի եւ Եվրոպական կենտրոնական բանկի քաղաքականության աջակցության վերջին փոփոխությունները, որոնք ներդրողներին մղել են շահույթ որոնել ավելի ռիսկային ակտիվներում, օգնել են աջակցել թուքական շուկաներին:

Նախօրեին լիրան արժեզրկվել է 1,4 տոկոսով՝ զարգացող շուկաներում վատթարագույն արդյունքներ ցույց տալով, իսկ Թուրքիայի հիմնական ֆոնդային ինդեքսը նվազել է:

2018 թվականին լիրան արժեզրկվել էր գրեթե 30 տոկոսով, ինչի հետեւանքով տնտեսությունը ռեցեսիայի էր անցել, որը, ինչպես ակնկալում են տնտեսագետները, կտեւի նաեւ նվազագույնը այս տարվա երկրորդ կեսին:

«Չեմ կարծում, որ որեւէ մեկը հեռացավ Թուրքիայի մասին իր պատկերացումները փոխած»,- համաժողովից հեռանալիս ասել է երկրորդ ներդրողը: Եվս մեկ մասնակից նշել է, որ ներդրողների շրջանում ընդհանուր կարծիք է ձեւավորվել, որ Թուրքիայի նկատմամբ վստահության վերականգնման համար ավելին է պետք անել:

Ներդրողների մտահոգությունը խորացրել է Ստամբուլում ընտրությունների արդյունքների շուրջ անորոշությունը, ինչպես նաեւ անցյալ ամսվա վերջին կառավարության նախաձեռնած մի շարք քայլերը, ներառյալ JP Morgan-ի ներդրումային հանձնարարականների ստուգումները:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՀՀ-ում ներդրումների ոչ բավարար ծավալը պայմանավորված է մեր փոքր եւ ինչ-որ չափով մեկուսացված շուկայով. Տիգրան Դավթյան
Մենք նույնիսկ չունենք ռեալ գործող ռեգիոնալ շուկա: Դա է հիմնական ոչ ոգեւորող հանգամանքը, որովհետեւ մնացած բոլոր ցուցանիշներով մենք գրավիչ ենք...
Նիկոլ Փաշինյանն այցելել է Էդուարդո Էռնեկյանին պատկանող «Տիեռաս դե Արմենիա» տնտեսություն (ֆոտո)
Արգենտինահայ գործարարը նշել է, որ պատրաստ է շարունակել ներդրումային գործունեությունը եւ նոր ծրագրեր իրականացնել...
Մարդիկ պետք է ոսկի ունենան, քանի որ բոլոր արժույթները կարժեզրկվեն․ ամերիկացի ներդրող
Ոսկին իր արժեքը շատ ավելի լավ կպահպանի, քան արժույթների այլ տեսակները․․․
Այս տարվա 6 ամիսներին օտարերկրյա ուղղակի ներդրումների զուտ հոսքերի աճի նվազել է շուրջ 5 անգամ
Ընդամենը ներդրումները ներառում են ուղղակի, պորտֆելային և այլ ներդրումները…
Հայբիզնեսբանկը՝ «Իմ քայլը հանուն Կոտայքի մարզի» ներդրումային համաժողովի հովանավոր (ֆոտո)
Համաժողովի ընթացքում ներկայացվել են տասը հաջողված ձեռնարկությունների և շուրջ 25 ներդրումային ծրագրերի պատմություններ․․․
«Ներդրողներին չպետք է նստեցնենք աջակցության վրա». Նիկոլ Փաշինյանը` Կոտայքում
Մեր քաղաքական առաջնային խնդիրներից մեկն է ապահովել այնպիսի պայմանններ…