News
Լրահոս
News
Հինգշաբթի
Ապրիլ 25
Տեսնել լրահոսը

Վարչապետ Նիկոլ Փաշինյանն այսօր աշխատանքային խորհրդակցություն է անցկացրել ՀՀ նախարարների, պետական գերատեսչությունների ղեկավարների, Երեւանի քաղաքապետի, Կենտրոնական բանկի եւ վարչապետի աշխատակազմի ներկայացուցիչների մասնակցությամբ:

Խորհրդակցությանը քննարկվել է վարչապետի կողմից` ՀՀ կառավարության փետրվարի 15-ի նիստում տրված հանձնարարականների կատարման ընթացքը: Հանձնարարականները վերաբերում էին տնտեսական հեղափոխությունը խթանող միջոցառումներին: Շահագրգիռ գերատեսչությունների եւ կառույցների ղեկավարները ներկայացրել են ըստ իրենց ոլորտների իրականացվող աշխատանքները, միջանկյալ արդյունքները եւ առաջիկա անելիքները:

Վարչապետ Փաշինյանն ընդգծել է՝ կառավարության նպատակն աշխատասեր, ստեղծագործ եւ օրինապահ քաղաքացուն խթանելն է, եւ գործադիրն իր ունեցած գործիքակազմով պետք է աշխատի այդ ուղղությամբ՝ հնարավորինս արագ, դյուրին եւ արդյունավետ:

Ձեռնարկվող միջոցառումների արդյունավետությունը բարձրացնելու եւ ընդհանրապես տնտեսական հեղափոխությունը հաջողելու համատեքստում վարչապետը կարեւորել է գործընթացների թվայնացումը, ընթացակարգերի հստակ սահմանումը եւ այս ուղղություններով կոնկրետ արդյունքների միտված քայլեր իրականացնելու հանձնարարականներ տվել պատասխանատուներին:

Կառավարության ղեկավարը հանձնարարել է շարունակել միջգերատեսչական համակարգված աշխատանքը եւ պարբերաբար զեկուցել աշխատանքների ընթացքի մասին:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Խորհրդարանական մշտական հանձնաժողովում բանավեճ է ընթացել «Պետգնումների մասին» օրենքի բարեփոխումների հարցով
Մասնակիցները քննարկել են տեխնիկական բնույթի հարցեր, որոնք հարուցել են ստեղծագործող մտավորականության եւ ՀԿ-ների որոշակի մտահոգությունը…
ԵԶԲ-ն դադարեցնում է «Սպայկա» ընկերությանը վարկ տրամադրելու գործընթացը
Ինքը` Ղազարյանը, հերքում է այդ մեղադրանքները։ Նա ապրիլի 5–ին կայացած մամուլի ասուլիսի ժամանակ հերքել է խախտումների փաստը...
Մենք ինչի՞ ենք ձգտում՝ ենթադրենք Ադրբեջանը Արցախը ճանաչեց, հետո ինչի՞ հույս ունենք. քաղաքագետ
Ժամանակն է հասկանալ՝ ի՞նչ է նշանակում Արցախի հարցը լուծել...
Դոլարի փոխարժեքը կայուն է. եվրոն շարունակում է էժանանալ
Թանկարժեք մետաղների համար բանկի կողմից սահմանվել են հետեւյալ գները...
Կառավարությունը 50 տոկոսով համաձայնեց «Լուսավոր Հայաստանի» նախաձեռնության հետ
Բացի դրանից, նման վարկեր ստացող անձինք հիմնականում ունեն բավարար կարողություններ՝ ֆինանսական գիտելիքներ…
Պատգամավորները ցեմենտի հարցով աշխատանքային խումբ ստեղծեցին
Նաեւ որոշում է ընդունվել, որ ապրիլի 30-ին ԱԺ-ում լսումներ կանցկացվեն Հայաստան ներկրվող ցեմենտի տուրքերի մասին...