Ապրիլի 14-ին, ժամը 14:35-ին «911» ծառայությանը տեղեկություն է հաղորդվել, որ Արագածոտնի մարզի Ապարան քաղաքի 40 աղբյուրների փողոցի տներից մեկին հարակից այրվում է վագոն-տնակ: Այս մասին NEWS.am-ը տեղեկանում է ԱԻՆ պաշտոնական կայքից։
Դեպքի վայր է մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ:
Հրդեհը մեկուսացվել է ժամը 14:53-ին, մարվել` 15:10-ին:
Այրվել են թիվ 7 տանը հարակից երկաթյա վագոն-տնակի փայտյա կառուցատարրերը՝ մասնակի (մոտ 12 քմ), վառելափայտ (մոտ 1 խմ) և թիվ 9 տանը հարակից վագոն-տնակը՝ ամբողջությամբ (մոտ 14 քմ):
Հրդեհի հետևանքով տուժածներ չկան:
