News
Լրահոս
News
Երկուշաբթի
Հուլիս 15
USD
476.68
EUR
537.65
RUB
7.61
ME-USD
0.18
Տեսնել լրահոսը

Եվրամիությունը վերջնականապես հաստատել է ԵՄ Գազային դիրեկտիվի փոփոխությունների նախագիծը, որը թույլ կտա Բրյուսելին ընդլայնել ծովային գազամուղների, մասնավորապես «Հյուսիսային հոսք-2»-ի վերահսկման հնարավորությունները, հաղորդում է ՏԱՍՍ-ը՝ վկայակոչելով ԵՄ Խոհրդի մամուլի ծառայությանը:

Հայտարարության մեջ նշվում է, որ փաստաթուղթը հաստատվել է առանց քննարկման ինչպես եւ սպասվում էր: Համապատասխան նորմատիվ ակտերը կհրապարակվեն մոտ ապագայում ԵՄ պաշտոնական ամսագրում եւ  դրանից 20 օր անց նոր օրենքը ուժի մեջ կմտնի:

ԵՄ խորհուրդը նաեւ ընդգծել է, որ նոր փոփոխությունների ուժի մեջ մտնելուց հետո ԵՄ անդամ պետությունները կունենան ինը ամիս դրանք ազգային օրենսդրության մեջ ներդնելու համար:

Միեւնույն ժամանակ ԵՄ-ն մտադիր է մինչեւ 2019 թվականի վերջը կատարել բոլոր տեխնիկական ընթացակարգերը, քանի որ ավելի վաղ Եվրահանձնաժողովի էներգետիկայի գլխավոր տնօրինության ղեկավար Դոմինիկ Ռիստորին հայտնել էր, որ փոփոխված ԵՄ գազային դիրեկտիվը պետք է ուժի մեջ մտնի «Հյուսիսային հոսք 2» -ի շահագործումից առաջ, որպեսզի դրա գործողությունը տարածվի այդ նախագծի վրա:

Սպասվում է, որ «Հյուսիսային հոսք 2» -ը շահագործման կհանձնվի մինչեւ 2019 թվականի վերջը:

Լրամշակված դիրեկտիվը ԵՄ էներգանորմերը տարածում է երրորդ երկրներից ԵՄ հասնող ծովային գազամուղների վրա, որոնք դուրս են գալիս միության պետությունների սահմաններից:

ԵՄ-ի Երրորդ էներգափաթեթի նորմերի համաձայն՝ «Հյուսիսային հոսք 2»-ի օպերատորը պետք է «Գազպրոմ»-ից անկախ ընկերություն լինի:

Գերմանիան հասել է այդ փոփոխությունների զգալի մեղմացման, քանի որ ամփոփիչ տեքստում  նշվում է, որ ռուսական նախագծին այդ նորմերից բացառությունների տրամադրման մասին որոշումը ընդունելու է ոչ թե Բրյուսելը, այլ ԵՄ երկիրը, որտեղ գազամուղը դուրս է գալիս եվրոպական տարածք: «Հյուսիսային հոսք 2»-ի դեպքում դա Գերմանիան է:

Ըստ եվրոպացի  փորձագետների մեծամսանության գնահատականների՝ այս ձեւով Գազային դիրեկտիվը թույլ չի տա կասեցնել «Հյուսիսային հոսք 2»-ի շինարարությունը, սակայն կարող է խնդիրներ եւ անորոշություն ստեղծել ներդրողների համար, մասնավորապես, դրա փոխհատուցվելիության ժամկետի հարցերում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԵՄ-ն համերաշխ է Կիպրոսի հետ թուրքական հորատման նավի իրավիճակի հարցում
«Ես կարող եմ միայն հույս ունենալ, որ այժմ բազմաթիվ հակամարտություններին եւ ճգնաժամերին չի ավելանա եւս մեկը», - ասել է պետական նախարարը...
«ԵՄ-ի հետ վիզաների ազատաականացման երկխոսության մեկնարկ մոտ ապագայում չի լինելու». Աշոտյանը փչացրեց տրամադրությունը
Չեմ ուզում շաբաթ-կիրակի փչացնել ձեր տրամադրությունը, բայց…
ԵՄ երկրների դեսպանները սատարում են Թուրքիայի դեմ պատժամիջոցներ կիրառելու կոչը
Դրանք ենթադրում են առաջարկներ Օդային տրանսպորտի մասին համապարփակ համաձայնագիրը եւ տվյալ պահին բարձր մակարդակում երկխոսությունները դադարեցնելու շուրջ…
ԵՄ-ը մտադիր է վերանայել փողերի լվացման առումով ռիսկ ներկայացնող երկրների «սեւ ցուցակը»
Փետրվարին Եվրահանձնաժողովը Էր Ռիյադը ներառել էր «սեւ ցուցակում»՝ ահաբեկչության ֆինանսավորման եւ փողերի լվացման նկատմամբ թույլ վերահսկողության պատճառով...
ԵՄ դատարանը չեղարկել է Յանուկովիչի դեմ պատժամիջոցները
Վերոնշյալ քաղաքական գործիչների դեմ առաաջին անգամ պատժամիջոցներ էին սահմանվել 2014 թվականին...
ԵՄ-ն Թուրքիայի դեմ պատժամիջոցներ է պատրաստում Կիպրոսի ջրերում երկրաբանական հետախուզում անցկացնելու պատճառով
ԵՄ Խորհուրդը կառաջարկի կրճատել 2020 թվականին Թուրքիային ֆինանսական աջակցությունը…