News
Լրահոս
News
Երկուշաբթի
Հուլիս 15
USD
476.68
EUR
537.65
RUB
7.61
ME-USD
0.18
Տեսնել լրահոսը


Ես խոսել եմ Գագիկ Ծառուկյանի հետ, նա մոտ օրերս հանդիպման կգա, հիմա քաղաքում չի: Այս մասին այսօր՝ ապրիլի 15-ին, «Արարատցեմենտ» գործարանի մոտ բողոքի ակցիա իրականացնող աշխատակիցների հետ հանդիպման ժամանակ նշեց «Մուլտի կոնցեռնի» տնօրեն Սեդրակ Առուստամյանը:

«Գործարանը կառավարվում է «Մուլտի գրուպ» կոնցեռնի կողմից: Բազմիցս պարոն Ծառուկյանը եկել-հանդիպել է, բայց դա մարդասիրական առում է եղել, պարտականությունները տրված են ինձ:

Արդեն երկու տարի է՝ ներկրվում է եւ ցեմենտ, եւ կլինկեր (ցեմենտի կիսաֆաբրիկատ): Միայն 2018-ին 180 հազար տոննայից ավելի ցեմենտ մտել է Հայաստան, հիմա արդեն կլինկեր է գալիս, որը անհամեմատ էժան է: Որպես բիզնես նայելով, տեսնում ենք, որ մեր գործարանն օր-օրի քանդվում է, եւ եթե կառավարության որոշումն այնպիսին է, որ պետական տուրքը լինելու է միայն ներկրվող ցեմենտի վրա, իսկ կլինկերի վրա չի լինելու, ավելի լավ է՝ մենք էլ կլինկեր բերենք եւ շուկան ապահովենք»,-ասաց Առուստամյանը:

Նրա խոսքով, կլինկերը համարյա ցեմենտ է եւ եթե գործարանը սկսի կլինկերը ներմուծել, ոչ թե արտադրել, հարյուրավոր քաղաքացիներ այլեւս կարիք չկա, որ աշխատեն գործարանում:

Աշխատակիցների հարցին, թե հիմա իրենք ի՞նչ պետք է անեն, կոնցեռնի ղեկավարն ուսերը թոթվեց ու ասաց. «Մարդկային առումով ճիշտ եք, բայց ես իմ աշխատանքն եմ կատարում, սա բիզնես է:

Հիմա գործարանը վնասով է աշխատում, ինչքա՞ն պետք է այդպես աշխատի: Նոր մարդ էլ գա, նույն վիճակն է լինելու: Մենք կողմ չենք կլինկեր բերելուն, բայց քանի որ բոլորը բերում են, էժան է ստացվում, մենք էլ կբերենք: Էս ձեւով շարունակվելու դեպքում՝ մի 6 ամիս հետո գործարանն ընդհանրապես քանդվելու է»,-հայտարարեց Առուստամյանը՝ հավելելով, որ կլինկերն Իրանում վաճառվում է 9-13 դոլարով:

Նա տեղեկացրեց, որ նախապես կառավարության հետ համաձայնություն է եղել, որ լրացուցիչ տուրգ պետք է սահմանվի ոչ միայն ներկրվող ցեմենտի վրա, այլեւ կլինկերի վրա, սակայն ԱԺ տնտեսականհարցերի հանձնաժողովում որոշվեց, որ կլինկերի վրա 22 հազար դրամի տուրքը չի տարածվելու. «Նաեւ որոշվեց, որ այդ տուրքը գործելու է մինչեւ 2020 թվականի ապրիլի 1-ը, այսինքն մեկ տարի հետո կանգնելու ենք նույն խնդրի առջեւ: Պետք է կլինկերն էլ տուրքի տակ մտնի, որ կարողանանք մրցակցել»:

Գործարանի աշխատակիցները հայտարարեցին. «Եթե ասում եք, որ որպես բիզնես մինուսով եք աշխատում, վաճառեք ձեր գործարանը, թող ուրիշը գա աշխատի: Դուք ուղղորդում եք, որ գնանք կառավարության դիմաց ցույց անենք: Դուք գերշահույթ եք ստացել, մեզ էշի տեղ եք դրել: Դեռ կոնկրետ որոշում չկա, միայն քննարկում է եղել ԱԺ հանձնաժողովում, իսկ դուք արդեն մեզ հանում եք աշխատանքից»:

Ի պատասխան «Մուլտի գրուպ»-ի տնօրենն ասաց. «Մենք այդպիսի նպատակ չունենք, որ ինչ-որ մեկը գնա կառավարության դիմաց բողոքի: Այդպիսի նպատակ մեր կողմից չի եղել: Ես ինքս այս հարցով չեմ դիմել պատգամավորներին»:

Առաջարկին՝ հետ վերցնել աշխատակիցներին աշխատանքից ազատելու մասին ծանուցագրերը, Առուստամյանն ասաց, որ այդ որոշումը կայացրել է խորհուրդը, պետք է նորից հավաքվեն եւ նորից հարցը քննարկեն, սպասում են Ծառուկյանի վերադարձին:

Դիտարկմանը, թե որակն ընկել է, մրցունակ չի, հնչեց առարկություն, որ ցեմենտ վաճառող խանութի աշխատողն իրանական ցեմենտից ավելի շատ օգուտ ունի, դրա համար գովում է:

«Հիմա կամեռաների առջեւ ասում եք՝ ցեմենտն անորակ է, որ վաղը պակաս վաճառվեց, գալու եք ասեոլւ եք՝ աշխատավարձը տուր, չէ՞»,-ասաց Առուստամյանը՝ հավելելով, որ ամեն ինչ արվել է օրենքի շրջանակներում:

Ավելի վաղ NEWS.am-ը հայտնել էր, որ «Արարատցեմենտ» ՓԲԸ աշխատողները գործադուլ են սկսել, քանի որ նրանց հայտնել են, որ երկու ամսից՝ հունիսի 15-ից, գործարանը փակվում է ու շուրջ  հազար աշխատակիցներ գործազուրկ են դառնալու:

«Ցեմենտի արտադրման ծախսերը շատ են, ինքարժեքը բարձր է, մենք չենք կարող պարսական ցեմենտի հետ մրցակցել»,- պարզաբանել են գործարանի տնօրինությունից: Աշխատակիցները ցանկանում են անձամբ Գագիկ Ծառուկյանից լսել այն մասին, որ որոշել է փակել գործարանը, սակայն ԲՀԿ առաջնորդը դեռ եկել ու հանդիպել աշխատակիցների հետ:

Նշենք, որ նախորդ շաբաթ ԱԺ տնտեսական հարցերի հանձնաժողովում քննարկվել է Հայաստանում ցեմենտ արտադրողների շահերը պաշտպանող օրենսդրական նախագիծ, որով առաջարկվում էր ցեմենտ ներմուծելու համար կիրառել տուրք՝ յուրաքանչյուր տոննայի համար 22 հազար դրամ։ Նախագիծը համարվում է ԲՀԿ առաջնորդ Գագիկ Ծառուկյանին առնչվող ցեմենտի գործարանի գործունեությունը պաշտպանող նախագիծ: Նա 2018 թվականին իր ընտանիքին պատկանող «Արարատցեմենտ» գործարանի աշխատակիցների հետ հանդիպմանն ասել էր, որ ՀՀ ներկրվող էժան իրանական ցեմենտի պատճառով տեղեկան ցեմենտն իրացման լուրջ խնդիրներ ունի:

Տպել
Կարդացեք նաև
Ամբողջը
«Ժամանակ».Վրաստանը կարող է հոկտեմբերից արգելել ցամաքային ճանապարհով ցորենի ներկրումը. Հայաստանում հացն ու միսը կթանկանա
Հայաստանի կառավարությանը հաջողվեց հանել այդ արգելքը, սակայն խնդիրը նորից ակտուալ է դառնում...
Վարչապետն ընդունել է «Ամբեր Կապիտալ» ընկերության ներկայացուցիչներին
«Ամբեր Կապիտալը» շահագրգռված է Հայաստանում ակտիվ գործունեություն ծավալելու հարցում և պատրաստ է փոխշահավետ գործակցության...
Դոլարի փոխարժեքը նվազել է. արժեզրկվել է նաեւ եվրոն
Թանկարժեք մետաղների համար բանկի կողմից սահմանվել են հետեւյալ գները...
«Ես ցանկանում եմ լինել ձեր կողքին այս շոգին». «Իմ քայլի» պատգամավորը՝ Ագարակի կոմբինատի աշխատակիցներին (վիդեո)
Պատգամավորը նախ նշեց, որ եկել է տեղում իրավիճակին ծանոթանալու…
Հայաստանի ֆոնդային բորսայում տեղի է ունեցել 40 մլրդ դրամ ծավալով պետական պարտատոմսերի տեղաբաշխման աճուրդ
Ներկայում Հայաստանի ֆոնդային բորսան ու ՀՀ ֆինանսների նախարարությունը հնարավորություն են տալիս Հայաստանի քաղաքացիներին առցանց գնել պետական…
Համոզված եմ՝ ՀՀ-ում երկարաժամկետ կտրվածքով հնարավոր է երկնիշ տնտեսական աճ ապահովել. Արայիկ Հարությունյան
Արայիկ Հարությունյանը շնորհավորել է ՀՀ իշխանություններին տնտեսական տեսանելի բարձր արդյունքներ գրանցելու կապակցությամբ…