News
Լրահոս
News
Հինգշաբթի
Ապրիլ 25
Տեսնել լրահոսը

ՆԱՏՕ-ի հետ Ռուսաստանի համագործակցությունն ինչպես ռազմական գծով, այնպես էլ քաղաքացիական ոլորտում լիովին դադարեցված է։ Այս մասին ՌԻԱ «Նովոստի»-ին տված հարցազրույցում ասել է ՌԴ ԱԳՆ փոխնախարար Ալեքսանդր Գրուշկոն։

«ՆԱՏՕ-ն ինքն է հրաժարվել Ռուսաստանի հետ հարաբերությունների դրական օրակարգից։ Այն գոյություն չունի։ Եվ առայժմ չկան նշաններն այն բանի, որ ՆԱՏՕ-ում գիտեն ինչպես դուրս գալ այս փակուղուց»,- ավելացրել է դիվանագետը։

Նա ընդգծել է, որ դաշինքը շատ հեռուն է գնացել Ռուսաստանի հետ առճակատման խորացման հարցում։ Գրուշկոն փաստել է, որ Մոսկվայի եւ Բրյուսելի միջեւ գոյություն ունեցող հարաբերությունները «ամենից շատ հիշեցնում են «սովորական» իրավիճակ, որի ներքո ստեղծվել է ՆԱՏՕ-ն՝ «սառը պատերազմ»։

Նա նշել է, որ Մոսկվան չի պատրաստվում անտեսել դաշինքը, քանի որ դա անվտանգության լուրջ գործոն է։ «Ընդ որում՝ մենք հասկանում ենք. շատ բան, ինչ արվում է դաշինքում, ԱՄՆ քաղաքականության ածանցյալն է։ Կփոխվեն Ռուսաստան-ԱՄՆ հարաբերությունները՝ կփոխվեն նաեւ Ռուսաստան-ՆԱՏՕ հարաբերությունները»,- ավելացրել է Գրուշկոն։

Փոխնախարարը հիշեցրել է, որ գոյություն ունեցող ճգնաժամը հարաբերություններում առաջինը չէ, բայց ամենաերկարատեւն է։

Ինչպես ընդգծել է Գրուշկոն, ճիշտ չէ կարծել, թե մինչեւ ճգնաժամն Ուկրաինայում Մոսկվայի եւ դաշինքի հարաբերություններում ամեն բան բնականոն է եղել. մինչեւ 2014-ը ՆԱՏՕ-ն «մտել է ներքին անկայունության, կողմնորոշիչների կորստի եւ նոր նշանակության որոնման անհրաժեշտության վիճակի մեջ»։ Դրան ուղեկցել են Աֆղանստանում գործողության անհաջողությունն ու այն, որ ՆԱՏՕ ընդլայնման քաղաքականությունը սպառել է իրեն, նշել է փոխնախարարը։

Գործակալության զրուցակիցը նաեւ մատնանշել է, որ ՆԱՏՕ երկրների ռազմական ծախսերը 2018-ին գերազանցում են տրիլիոն դոլարը եւ կազմում համաշխարհայինի ավելի քան կեսը։

«Դա պաշտպանական ծախսերի համար ռուսաստանյան ծախսերից ավելին է 22 անգամ»,- ասել է Գրուշկոն։

Փոփնախարարը փաստել է, որ Մոսկվան ռազմական գծով շփումներ չունի ամբողջ դաշինքի հետ, բայց դրանք կան ՆԱՏՕ առանձին երկրների հետ։

«ՆԱՏՕ-ն հրաժարվել է մեզ հետ գործնական համագործակցությունից ՝ ի շահ անվտանգության  ամրապնդման։ Բայց կա համատեղ աշխատանքի օբյեկտիվ պահանջ չկանխատեսված սրացման ռիսկերի նվազման, միջադեպերի կանխման գործում»,- ասել է Գրուշկոն։

Նա անհեթեթ է անվանել դաշինքի որոշումը՝ դադարեցնել նորմալ աշխատանքային շփումները ռազմական գծով՝ նշելով, որ Ռուսաստան-ՆԱՏՕ հարաբերություններից է շատ բանով կախված նաեւ Եվրոպայում ռազմական անվտանգության դրությունը։

«Սպասենք, մինչեւ որ դաշինքն ինքը հասունանա՝ գիտակցելու համար մեզ հետ լուրջ խոսակցության կարեւորությունը անվտանգության հարցերում»,- ամփոփել է Գրուշկոն։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Թուրքիայի իշխանությունները թույլ չեն տա Ս-400-ի պատճառով հարցականի տակ դնել ՆԱՏՕ-ին իր անդամակցությունը
Թուրքիան ՆԱՏՕ-ի լիիրավ անդամ է եւ դաշինքի ցանկացած որոշման ժամանակ ձայնի իրավունք ունի…
ՆԱՏՕ-ն հերքել է Ռուսաստանի հայտարարությունը համագործակցության դադարեցման մասին
ՆԱՏՕ-ն հերքել է Ռուսաստանի հայտարարությունը, թե դաշինքն ու Մոսկվան դադարեցնում են համագործակցությունը...
ՆԱՏՕ-ն խոստացել է մեծացնել ակտիվությունը Սեւ ծովում
Վաշինգտոնում ՆԱՏՕ-ի անդամ երկրների ԱԳ նախարարների ընդունած փաստաթղթում ներառված են Ուկրաինային եւ Վրաստանին օգնություն ցուցաբերելու համար գործնական քայլերը…
Դիվանագետները մտավախություն ունեն, որ Թուրքիան եւ ՆԱՏՕ-ն կարող են «ամուսնալուծվել»
Տարաձայնությունները վերաբերում են ռուսական սպառազինությունների մասին համաձայնագրին․․․
Թուրքիայում խոստացել են, որ Ս-400-ը կպաշտպանի ԵՄ-ի եւ ՆԱՏՕ-ի անդամ երկրներին
Կուսակցության մամուլի քարտուղարը մեղադրել է ՆԱՏՕ-ին երկակի ստանդարտների մեջ…
ՆԱՏՕ-ի ԱԳՆ ղեկավարները հավանության են արժանացրել Սեւծովյան տարածաշրջանում ՌԴ-ի դիմակայմանն ուղղված մի շարք միջոցառումներ
Պոմպեոն հանդիպումը բացել է դաշնակիցներին կոչ անելով միավորվել՝ Ռուսաստանի, Չինաստանի եւ Իրանի մարտահրավերներին դիմակայելու համար․․․