Ֆլորիդայի ռեստորաններից մեկում հաճախորդներն ականատես են եղել «ոչ ախորժաբեր» տեսարանի՝ ռեստորանի կողքին գտնվող նստարանի վրա կիսամերկ հարբած տղամարդը ձեռքերով սպագետի էր ուտում:
USA.one-ը հայտնում է, որ ռեստորանի մատուցողները հարբած խուլիգանի մասին հայտնել են իրավապահ մարմիններին: Դեպքի վայր ժամանած պարեկը ռեստորանի մոտ նստարանի վրա հայտնաբերել է առանց վերնաշապիկի տղամարդուն, որը սպագետին բերանն էր խցկում մատներով: Ոստիկանները պարզել են, որ 32-ամյա խուլիգանին, որից ալկոհոլի ուժեղ հոտ էր գալիս, անվանում են Բեն Պաջեթ:
Պաջեթը մտել է ռեստարան եւ այնտեղ հարբած տեսարան սարքել: Դիմել է այցելուներին՝ փող խնդրելով, իսկ մերժվելու դեպքում նրանց վիրավորել է: Ոստիկանների հետ խոսելիս «անպարկեշտ արտահայտություններ է մրթմրթացել» եւ արդյունքում կալանավորվել է խուլիգանության համար: Սակայն մինչ ձեռնաշղթաներ հագցնելը, ոստիկանները նրան թղթե անձեռոցիկ են տվել որ մաքրի դեմքը եւ ձեռքերը: Սակայն խուլիգանն այս ամենով չի բավարարվել:
Հաղորդվում է, որ ոստիկանական մեքենայի մեջ նա սկսել է իրեն մարմնական վնասվածքներ հասցնել: Ոստիկանների ցուցմունքներով՝ Պաջեթը սկսել է ոտքերով գլխին խփել, ինչպես նաեւ գլխով հարվածվել մետաղական միջնապատին, ինչի հետեւանքով ճակատին խոր վերք է առաջացել եւ արյուն հոսել: