News
Լրահոս
News
Հինգշաբթի
Մարտ 28
Տեսնել լրահոսը


Ի՞նչ կարիք կա անընդհատ շահարկել ու ասել, թե ընդդիմության նախագծին կառավարությունը բացասական եզրակացություն է տալիս, իսկ Ազգային ժողովի հանձնաժողովները դակում այդ որոշումները։ Այս մասին այսօր՝ ապրիլի 16-ին, խորհրդարանում ելույթի ժամանակ ասաց ԱԺ նախագահ Արարատ Միրզոյանը։

«Ամեն անգամ ընդդիմությունն ասում է՝ այ ընդդիմության նախագծին կառավարությունը բացասական եզրակացություն է տալիս, հանձնաժողովը դակում է, դուք էլ այստեղ եք դակում, այ ձեր ցավը տանեմ, հիմա բացենք մյուս օրենքի նախագծերը, որոնք նախաձեռնել են ընդդիմության կողմից եւ դրական եզրակացություն են ստացել։ Ինչ կարիք կա դա անընդհատ շահարկել, իհարկե այդպես չի»,–նշեց նա։

ԱԺ նախագահը շեշտեց՝ երբ շատ ուժեր հարմարվել էին նախորդ իշխանությունների կողմից սահմանված խաղի կանոններին, 7-րդ գումարման Ազգային ժողովի շատ պատգամավորներ իրենց քաղաքացիական պայքարն էին մղում. «Տիկին Զոհրաբյան, դուք գիտեք որ ես անձնապես ձեզ շատ հարգում եւ սիրում եմ, բայց այսուհետ մի ասեք՝ Նիկոլ Փաշինյանի շնորհիվ, Արարատ Միրզոյանի շնորհիվ հայտնվել եք այստեղ։ Այստեղ մարդիկ են նստած, որոնք լուրջ հետագիծ ունեն անցած եւ պրոֆեսիոնալ եւ քաղաքական պայքարի առումով։ Երբ շատ ուժեր հարմարվել էին եղած խաղի կանոններին, կոռուպցիային, ապօրինություններին, այստեղ մարդիկ են նստած, որոնք Ազգային ժողովի պարիսպների մոտ -20 աստիճանի պայմաններում պլակատներով սառում էին, կամ այլ ձեւերով իրենց քաղաքացիական պայքարն են իրականացրել կամ դիրքորոշում են հայտնել տասնյակ տարիներ շարունակ։ Ի դեմս ինձ ձեր առաջ կանգնած է մի մարդ, որը առաջին անգամ ծեծ 2004–ին ա կերել Բաղրամյան պողոտայում»։

Անդրադառնալով Մարուքյան–Հայրապետյան լեզվակռիվին, Միրզոյանն ասաց. «Անընդհատ առիթ կլինի կռիվ անելու, բայց ես կարծում եմ, որ ավելի լավ է լուրջ թեմաներով կռիվ անենք, այսօր թեմա չկար ընդհանրապես, ես չհասկացա ինչի նման բան արեցիք, կոռեկտությունը պահել է պետք։ Չի կարելի շահարկել եւ վիրավորական արտահայտություններ հնչեցնել։ Պարոն Մարուքյան, ի՞նչ է նշանակում «դու ո՞վ ես» ։ Չէ լուրջ, խմբակցության ղեկավարը հանձնաժողովի նախագահին ասում է՝ դու ո՞վ ես, է՜։ Մխիթար Հայրապետյանն ա, հարցեր կա՞ն»։

Եզրափակելով ԱԺ նախագահը հռետորական հարց տվեց. «Արդյոք սա է այն Ազգային ժողովը, որ ուզում էինք ունենալ»։ Իսկ վերջում նա խնդրեց պատգամնավորներին պրովոկոցիաների չտրվել եւ պրովոկացիա չանել։

«Դու ո՞վ ես։ Բա դու ո՞վ ես». Մխիթար Հայրապետյանի եւ Էդմոն Մարուքյանի «ինտելեկտուալ» բանավեճը

Տպել
Կարդացեք նաև
Ամբողջը
«Միասին» շարժումը կոչ է անում ԱԺ ուժերին Փաշինյանին անվստահություն հայտնելու ԱԺ որոշման նախագիծ ներկայացնել
ՀՀ նշյալ օրենքների պահանջով նա պետք է իրականացներ բացառապես այդ ծրագրի շրջանակներում տեղավորվող ներքին և արտաքին քաղաքական ուղեգիծ…
«Փաստ». Պատվավոր հյուպատոսների ավտոմեքենաներին հատկացվելու են «H» տառը պարունակող կարմիր հիմնագույնի համարանիշեր
Որոշման 2-րդ հավելվածի 28-29-րդ կետերի համաձայն՝ ՀՀ-ում հավատարմագրված դիվանագիտական...
«Հրապարակ». ՔՊ-ականներն այլեւս առաջվանը չեն. նրանց սիրտը վախ է ընկել
Ընդ որում՝ տուժողներն առաջին հերթին իրենք են լինելու, ոչ թե իշխանության վերին էշելոնի ներկայացուցիչները...
«Փաստ». Հասարակության վրա փորձում է վախ ծախել
Այ, գնաց Գյումրի, երկարաշունչ ելույթ ունեցավ իր կուսակցության «նախաձեռնող խմբի» հետ հանդիպման...
«Հրապարակ». Փաշինյանը զարմացել է, որ ժողովուրդն այսքան տարի իրենց հանդուրժում է
ՔՊ-ում տարբեր մեկնաբանություններ են տվել այդ արտահայտությանը, որ երեւի նկատի ունի այն, որ հեղափոխական...
«Ժողովուրդ».«Ամիօ բանկ»-ը վերաբրենդավորումից հետո սկսել է ֆիզիկական և իրավաբանական անձանց հարկադիր սնանկացման գործընթաց
«Ժողովուրդ» օրաթերթը դատական տեղեկատվական համակարգից տեղեկացավ, որ նոր անվանափոխված «Ամիօ»...
Ամենաշատ