Ազգային ժողովում այսօր՝ ապրիլի 17-ին, շարունակվում է հերթական քառօրյա նիստը, օրակարգում մի շարք հարցեր են:
Խորհրդարանը կշարունակի քննարկել «Կառավարության կառուցվածքի եւ գործունեության մասին» ՀՀ օրենքում փոփոխություններ եւ լրացումներ կատարելու մասին օրենքի նախագծի և կից ներկայացված նախագծերի փաթեթի քննարկումը: Պատգամավորները կշարունակեն հարցեր ուղղել հիմնական զեկուցող, ՀՀ արդարադատության նախարար Արտակ Զեյնալյանին:
Նիստերի օրակարգում ընդգրկված են նաև Հայաստանի Հանրապետության հանրային ծառայությունները կարգավորող հանձնաժողովի նախագահի նշանակումը, Հայաստանի Հանրապետության Ազգային ժողովի «Լուսավոր Հայաստան» խմբակցության ՀՀ կառավարությանն ուղղված հարցապնդման պատասխանը: Օրակարգում են նաև մի շարք այլ օրենքի նախագծեր:
