Թաիլանդի թագուհի Սիրիկիտը երեքշաբթի տեղափոխվել է Չուլալոնգկորն հիվանդանոց տենդի պատճառով, տեղեկացնում է ՏԱՍՍ-ը՝ հղում կատարելով Bangkok Post-ին։
Արքայական պալատի տվյալներով՝ բժիշկները խորհուրդ են տվել նրան պառկել հիվանդանոցում այն բանից հետո, երբ նա սկսել է ջերմել. տենդն առաջ է եկել միզապարկի բորբոքման հետեւանքով։
2018 թվականի օգոստոսի 19-ին 86-ամյա թագուհին հոսպիտալացվել էր բարձր ջերմությամբ եւ ուղեկից հազով։ Բուժհաստատությունում նրա մոտ գրիպ է հայտնաբերվել, բժիշկները խորհուրդ են տվել բուժման կուրս անցնել։ 11 օր հետո նա դուրս է գրվել Չուլալոնգկորն հիվանդանոցից։
