Ժողովրդագրական խնդիրները ՀՀ Կառավարության ուշադրության կենտրոնում են:
Այս մասին ապրիլի 17-ին Ազգային ժողովում կառավարության հետ հարցուպատասխանի ժամանակ հայտարարեց ՀՀ փոխվարչապետ Տիգրան Ավինյանը՝ պատասխանելով «Լուսավոր Հայաստան» կուսակցությունից պատգամավոր Տարոն Սիմոնյանի հարցին:
Նրա խոսքով, այժմ վարչապետին առընթեր ստեղծվել է ժողովրդագրական հարցերի վերաբերյալ խորհուրդ, եւ այդ խորհուրդն արդեն գումարել է առաջին նիստը:
«Մենք բավականին որակյալ վերլուծություն ենք անցկացրել այդ ոլորտում: Մենք շատ լավ պատկերացնում ենք տվյալ ոլորտում իրավիճակը»,-վստահեցրեց Ավինյանը՝ հավելելով, որ Կառավարությունը ժողովրդագրության խնդիրների լուծման ռազմավարություն է մշակում:
Միեւնույն ժամանակ նա նշեց, որ առաջիկա 5 տարում այդ ոլորտում լուրջ աշխատանք կտարվի: