Հայաստանը կկարգավորի ինտերնետի տրանզիտը Պարսից ծոցի երկրներ։ Այս մասին Ազգային ժողովում ապրիլի 17-ին կառավարական ժամին հայտարարել է տրանսպորտի, կապի եւ տեղեկատվական տեխնոլոգիաների նախարար Հակոբ Արշակյանը՝ պատասխանելով պատգամավորների հարցերին։
Նրա խոսքերով, Հայաստանն արդեն ապահովում է ինտերնետի տրանզիտ Իրանի եւ Իրաքի համար։
«Ապագայում ենթադրվում է դուրս գալ Պարսից ծոցի այլ երկրների, մասնավորապես՝ Քաթարի վրա»,- հայտնել է Արշակյանը։
Նա նաեւ նշել է, որ կա աշխատանքային խմբեր ստեղծելու պայմանավորվածություն, իսկ մոտ ապագայում հայկական կողմը այդ հարցով քննարկումներ կկազմակերպի բոլոր շահագրգիռ կողմերի ներկայացուցիչների հետ։
