News
Լրահոս
News
Երկուշաբթի
Սեպտեմբեր 16
USD
476.16
EUR
526.54
RUB
7.43
ME-USD
0.1
Տեսնել լրահոսը


Առաջիկայում նախատեսում ենք երեք ՔԿՀ-ների օպտիմալացում, որի արդյունքում աշխատակիցների աշխատավարձը կբարձրանա: Այս մասին այսօր՝ ապրիլի 18-ին, Կառավարության նիստում հայտարարեց Արդարադատության նախարար Արտակ Զեյնալյանը:

Նա նշեց, որ այսօր ապօրինի գումար աշխատելու ճանապարհները փակել են, դրա համար էլ ՔԿՀ-ներում այնքան էլ գրավիչ չեն աշխատատեղերը:

Սրան հակադարձեց վարչապետ Նիկոլ Փաշինյանը. «Այնպես չի, որ լրիվ փակել ենք: Վերջերս «Արթիկ» ՔԿՀ-ում դեպք էր բացահայտվել: Քրեակատարողական հիմնարկներում կարող են լինել մարդիկ, որ արտոնյալ պայմաններում են ապրում: Այդ հարցերը լուծված չեն:

Շատ կարեւոր է հասկանալ մի բան, որ պարտադիր չի, որ վարչապետը մտնի բոլոր տեղերը, ասի, թե որտեղ ինչ պետք է լինի: Այդ մարդիկ հեռուստացույց նայո՞ւմ, թե ոչ:

Հետեւություններ անո՞ւմ են, թե ոչ: Ի՞նչ է նշանակում ՔԿՀ-ում կան կալանավորներ, որոնց հանձնուքը չի ստուգվում: Եվ այդ ՔԿՀ պետը շարունակում է աշխատել իր պաշտոնո՞ւմ»,-ասաց նա:

Ի պատասխան Արտակ Զեյնալյանն ասաց. «Ինձ հայտնի չէ այդպիսի փաստ, որ չի ստուգվում: Կան խնդիրներ ռապիսկաների հետ, որոնք ստուգվում են: Բայց որեւէ մեկի խուցը բաց չէ, որեւէ մեկի «վոլչոկը» բաց չէ, որեւէ մեկն արտոնյալ չի, չկա որեւէ մեկը, որի խուցը չի խուզարկվում: Այո, հայտնաբերվում են արգելված իրեր: Նաեւ աշխատավարձերը ցածր են, կոռուպցիոն ռիսկեր են»:

«Հեռախոսներ էլ չկա՞ն»,-հարցրեց վարչապետն ու ստացավ պատասխան. «Հեռախոսներ կան, մենք դրանք պարբերաբար հայտնաբերում ենք: Դա պայմանավորված է այն հանգամանքով, որ ստուգման սարքավորումներով հագեցած չեն ՔԿՀ-ները: Մտածում ենք, որ լավագույն եղանակը խլացնելն է այդ տարածքում, որովհետեւ նաեւ տոտալիզատորների են մասնակցում»:

Վարչապետը դրա պատասխանն էլ ուներ. «Հայտնաբերելուց առաջ պետք է դրանց ներս մտնելու ճանապարհները փակել: Որովհետեւ, եթե ավանդույթների մասին ասեմ՝ հայտնաբերում ենք, հետո վերադարձնում ենք: Այսօր բազմաթիվ հանցագործություններ կազմակերպվում են հենց ՔԿՀ-ներից՝ հենց այդ կապի միջոցների օգտագործմամբ:

Ես գիտեմ մի բան՝ առանց ՔԿՀ աշխատողների աջակցության դա հնարավոր չէ իրականացնել: Կոռուպցիան ռիսկերի նվազեցման լավագույն ճանապարհը կոռուպցիոներներին աշխատանքից հանելն է:

Հիմա բոլոր պայմանները ստեղծված են, որ ՔԿՀ-ներում ժամանակ անցկացնելով մարդիկ դառնան ավելի ու ավելի հանցավոր վարքագծի կրողներ: Ոչ մի շանս չի թողնված, գերմարդակային ճիգեր են պետք, որպեսզի մարդը ՔԿՀ-ից դուրս չգա որպես պրոֆեսիոնալ հանցագործ»:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Երեւան-Սեւան ճանապարհին վրաերթի հետեւանքով 55-ամյա տղամարդ է մահացել
Ոստիկանությունից NEWS.am-ին հայտնում են, որ նա մարմնական վնասվածքներով տեղափոխվել է հիվանդանոց եւ սեպտեմբերի 15-ին, ժամը 04.00-ի սահմաններում...
Պակիստանում մուսուլմանների գազազած ամբոխը հարձակվել է հինդուսական տաճարի եւ դպրոցի վրա
Հարձակումը կատարվել է դպրոցի տնօրենին մարգարե Մոհամմեդին վիրավորելու մեջ մեղադրելուց հետո…
Փենսիլվանիայից տղամարդը տունը պայթեցրել է դստեր հարսանիքի օրը
Տանտիրոջ ավտոմեքենայի մեջ գրառումներ են գտնվել ինքնասպանություն գործելու մտադրության մասին…
Հարավային Կորեայի նախկին նախագահին ուսի վնասվածքով հոսպիտալացրել են
Հաղորդվում է, որ նախկին նախագահը չի կարողանում շարժել ձախ ուսը ուսի մկանների ենթադրյալ խզման պատճառով...
Կնոջը և հարևանին դանակահարելու կասկածանքով ձերբակալվել է 30 ամյա տղամարդ
Նախնական տվյալներով՝ վերջիններս մարմնական վնասվածքները ստացել են Ավան Սայաթ-Նովա թաղամասի բնակարաններից մեկում տեղի ունեցած վիճաբանության…
Ավստրալիայում չարացած փոկն օգնել է կալանավորել թմրավաճառներին
Կենդանին զայրացել է տղամարդկանց հայտնվելով եւ մռնչյունով նետվել նրանց դեմ-հանդիման…