«Սանիթեք»» աղբահանող ընկերությունը Երեւանը չի ապահովում անհրաժեշտ քանակությամբ աղբարկղերով եւ կոնտեյներներով: Մամուլի ասուլիսին այս մասին հայտարարեց Երեւանի քաղաքապետի մամուլի քարտուղար Հակոբ Կարապետյանը:
Նրա խոսքով, եթե պայմանագրով «Սանիթեքը» պետք է մայրաքաղաքում մոտ 8000 աղբարկղ եւ կոնտեյներներ տեղադրեր, ապա իրականում դրանց թիվը հազիվ հասնում է 5000-ի:
«Ընդ որում դրանք կեղտոտ են, մաշված եւ կոտրված», - ասաց Կարապետյանը: Տարվա սկզբում ընկերությունը խոստացել էր 500 աղբարկղ գնել, բայց հազիվ կեսն է ձեռք բերել, հավելեց քաղաքապետարանի ներկայացուցիչը: