Ռուսաստանի նախագահ Վլադիմիր Պուտինը եւ Հյուսիսային Կորեայի առաջնորդ Կիմ Չեն Ընը կհանդիպեն ապրիլի երկրորդ կեսին, նշված է Կրեմլի կայքում, փոխանցում է «ՌԻԱ Նովոստի»-ն:
ՌԴ նախագահի մամուլի քարտուղար Դմիտրի Պեսկովը լրագրողներին հայտնել է, որ հանդիպումը նախապատրաստման փուլում է, առայժմ դրա անցկացման ստույգ օրը, ժամը եւ տեղը հայտնի չեն:
Երկուշաբթի հարավկորեական «Ռյոնհափ» գործակալությունը, վկայակոչելով աղբյուրներին, հայտնել էր, որ Ռուսաստանի եւ Հյուսիսային Կորեայի «երկար սպասված գագաթնաժողովը» տեղի կունենա ապրիլի 24-ին Հեռավոր Արեւելքում:
